నాని ప్రశంసల జల్లు - "అస్సలు మిస్ కావద్దు!"
సినిమాను వీక్షించిన నేచురల్ స్టార్ నాని ఏమాత్రం ఆలస్యం చేయకుండా తన రియాక్షన్ను పంచుకున్నాడు. "డెకాయిట్ ఒక నిజమైన బ్లాక్బస్టర్! ఇదొక అద్భుతమైన థియేట్రికల్ ఎక్స్పీరియన్స్, సినిమాను అస్సలు మిస్ కావద్దు" అంటూ నాని వేసిన పోస్ట్ ఫ్యాన్స్లో పూనకాలు తెప్పిస్తోంది. అడివి శేష్ తన కెరీర్లోనే బెస్ట్ పర్ఫార్మెన్స్ ఇచ్చాడని, స్క్రీన్ మీద శేష్ మేజిక్ అదిరిపోయిందని నాని కొనియాడాడు.
మృణాల్ గ్రేస్.. అనురాగ్ కశ్యప్ పవర్!
ఈ సినిమాలో హీరోయిన్గా నటించిన మృణాల్ ఠాకూర్ తన పాత్రలో ఒదిగిపోయిందని, ఆమె నటన సినిమాకు ఒక ప్రత్యేక ఆకర్షణ అని నాని పేర్కొన్నాడు. ఇక ప్రకాష్ రాజ్, అనురాగ్ కశ్యప్ వంటి దిగ్గజ నటుల ఉండటం సినిమా స్థాయిని పెంచింది. దర్శకుడు షనీల్ డియో పనితీరును, విజువల్స్ గ్రాండియర్ను నాని ప్రత్యేకంగా అభినందించడం విశేషం.
భీమ్స్ మ్యూజిక్.. అన్నపూర్ణ స్టూడియోస్ నిర్మాణ విలువలు!
ఈ చిత్రానికి భీమ్స్ సిసిరోలియో అందించిన బ్యాక్గ్రౌండ్ స్కోర్ థియేటర్లలో అదిరిపోయే హై ఇస్తుందని టాక్. అన్నపూర్ణ స్టూడియోస్ సమర్పణలో సుప్రియ యార్లగడ్డ, సునీల్ నారంగ్ అత్యంత భారీ బడ్జెట్తో, ఎక్కడా రాజీ పడకుండా ఈ చిత్రాన్ని నిర్మించారు. అడివి శేష్ మార్క్ గ్రిప్పింగ్ స్క్రీన్ప్లే ప్రేక్షకులను సీట్ ఎడ్జ్పై కూర్చోబెడుతోందని నాని పోస్ట్ ద్వారా స్పష్టమవుతోంది.
బాక్సాఫీస్ రూలింగ్ షురూ!
నాని వంటి స్టార్ హీరో నుంచి సినిమాకు ఇంతటి పాజిటివ్ రెస్పాన్స్ రావడంతో చిత్ర యూనిట్ ఫుల్ ఖుషీగా ఉంది. ఈ వీకెండ్లో 'డెకాయిట్' బాక్సాఫీస్ వద్ద భారీ వసూళ్లను రాబట్టడం ఖాయమని ట్రేడ్ వర్గాలు విశ్లేషిస్తున్నాయి. శేష్ తన సక్సెస్ స్ట్రీక్ను 'డెకాయిట్'తో మరో లెవల్కు తీసుకెళ్లాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి