ఇంటర్వ్యూలలో కూడా శ్రీలీల తన అభిప్రాయాలను కుండబద్దలు కొడుతోంది. "కేవలం కమర్షియల్ హీరోయిన్ ట్యాగ్ కోసమే నేను సినిమాల్లో నటించడం లేదు. ఒక నటిగా నాలోని పూర్తి ప్రతిభను బయటకు తీసే, బలమైన సెంటిమెంట్ ఉన్న కథా చిత్రాల కోసం నేను ఎదురుచూస్తున్నాను," అని ఆమె పేర్కొనడం, ఆమె పరిణతి చెందిన ఆలోచనా విధానానికి నిదర్శనం. కథల ఎంపికలో ఇకపై శ్రీలీల చాలా సెలెక్టివ్ కాబోతోంది.‘భగవంత్ కేసరి’ చిత్రంలో ఆమె చేసిన ‘విజ్జి పాప’ పాత్రకు ప్రేక్షకుల నుండి మంచి స్పందన వచ్చింది. ఆ పాత్రలో కేవలం గ్లామర్ మాత్రమే కాదు, ఎమోషన్ కూడా పండించగలనని నిరూపించుకుంది. అదే తరహాలో ఇకపై లోతైన పాత్రలను కోరుకుంటోంది.
ప్రస్తుతం టాలీవుడ్లో కొత్త అవకాశాల కోసం సమయం తీసుకుంటున్న శ్రీలీల, తన దృష్టిని కోలీవుడ్పై కేంద్రీకరించింది. స్టార్ హీరోలతో కలిసి నటిస్తూ, తన మార్కెట్ను పెంచుకోవడమే లక్ష్యంగా పెట్టుకుంది.శివ కార్తికేయన్ సరసన నటించిన 'పరాశక్తి' సినిమాతో అక్కడ తన అదృష్టాన్ని పరీక్షించుకుంది.ఇప్పుడు ఏకంగా స్టార్ హీరో ధనుష్ 55వ చిత్రంలో హీరోయిన్గా నటిస్తోంది. ధనుష్ సినిమాలు అంటేనే నటనకు ఆస్కారం ఉన్నవి. కాబట్టి, ఈ ప్రాజెక్ట్ ఆమె కెరీర్లో ఒక మలుపుగా మారే అవకాశం ఉంది.కోలీవుడ్తో పాటు బాలీవుడ్లో కూడా ఒక ప్రాజెక్టును లైన్లో పెట్టి, దేశవ్యాప్త గుర్తింపు కోసం ప్రయత్నిస్తోంది.
వైద్య విద్యను అభ్యసిస్తూనే, సినిమాల్లోకి రావడం శ్రీలీల సాధించిన గొప్ప విషయం. 2019లో ‘కిస్’ (Kiss) సినిమాతో కన్నడలో ఎంట్రీ ఇచ్చిన ఈ బ్యూటీ, 2021లో ‘పెళ్లి సందD’తో తెలుగులో అడుగుపెట్టింది. అప్పటి నుండి ఆమె ప్రయాణం అప్రతిహతం. ‘ధమాకా’ సినిమా ఆమెకు భారీ విజయాన్ని అందించింది. ఆ తర్వాత మహేష్ బాబుతో ‘గుంటూరు కారం’, బాలయ్యతో ‘భగవంత్ కేసరి’ వంటి స్టార్ హీరోల సినిమాల్లో మెరిసింది. తన మొదటి సినిమాతోనే సైమా ఉత్తమ డెబ్యూ నటి అవార్డును అందుకోవడం ఆమె ప్రతిభకు నిదర్శనం.
శ్రీలీల కల నెరవేరుతుందా?
ప్రశ్న ఏంటంటే, శ్రీలీల ఆశిస్తున్నట్లుగా ‘పెర్ఫార్మెన్స్ ఓరియెంటెడ్’ పాత్రలు ఆమెకు దక్కుతాయా? నిజానికి, ఆమెలో ఉన్న ఎనర్జీని సరిగ్గా వాడుకుంటే, ఏ పాత్రలోనైనా ఆమె అద్భుతాలు చేయగలదు. ఇప్పటికే ఆమెలో డాన్సర్ని, గ్లామర్ డాల్ని చూశాం. ఇప్పుడు ఆమెలోని ‘నటిని’ చూడటానికి ప్రేక్షకులు కూడా సిద్ధంగా ఉన్నారు. ధనుష్ వంటి అగ్ర నటుల సరసన నటించడం, తద్వారా తన నటనను మెరుగుపరుచుకోవడం ఆమె తీసుకున్న అత్యంత తెలివైన నిర్ణయమని సినీ విశ్లేషకులు భావిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి