ఆయన హామీ ఇచ్చిన విధంగా పసుపు బోర్డు సాధించడం విషయంలో ఒకింత విజయం సాధించారు. అయితే ఇక ఇప్పుడు 2024 పార్లమెంట్ ఎన్నికల్లో ఇక్కడ విజయం ఎవరిని వరిస్తుంది అనే విషయంపై ఉత్కంఠ నెలకొంది. అయితే గతంలో 2019 పార్లమెంట్ ఎన్నికల్లో తన కూతురు కవితను ఓడించిన ధర్మపురి అరవింద్ ని ఓడించడమే లక్ష్యంగా ఇక ఇప్పుడు గులాబీ దళపతి కేసీఆర్ ఒక కీలకమైన నేతను బరిలోకి దింపాడు అన్నది తెలుస్తోంది. గతంలో ధర్మపురి అరవింద్ తండ్రిని ఓడించిన బాజిరెడ్డి గోవర్ధన్ బీఆర్ఎస్ నుంచి పోటీ చేస్తున్నారు.
నిజాంబాద్ పార్లమెంట్ నియోజకవర్గం లో కాంగ్రెస్ హవా కొనసాగుతున్న సమయంలోనే అప్పుడు కాంగ్రెస్ పార్టీలో ఉన్న ధర్మపురి అరవింద్ తండ్రి ధర్మపురి శ్రీనివాస్ ను ఓడించారు బాజిరెడ్డి గోవర్ధన్. తండ్రిని ఓడించిన వ్యక్తినే ఇక ఇప్పుడు బీఆర్ఎస్ పార్టీ కొడుకుని ఓడించేందుకు బరిలోకి దింపింది. గతంలో తండ్రిని ఓడించినట్లుగానే ఇప్పుడు కొడుకును కూడా ఓడిస్తానని బాజీ రెడ్డి గోవర్ధన్ ప్రస్తుతం ధీమాతో ఉన్నారు. కాగా ఇక్కడ అటు కాంగ్రెస్ నుంచి జీవన్ రెడ్డి పోటీ చేస్తూ ఉండడం గమనార్హం.
