మొత్తంగా మూడు వన్డే మ్యాచ్లలో కలిపి ఏకంగా 360 పరుగులు చేసి మూడు వన్డేల సిరీస్లో అత్యధిక పరుగులు చేసిన బ్యాట్స్మెన్ గా కూడా ప్రపంచ రికార్డును బద్దలు కొట్టాడు. ఇలా శుభమన్ గిల్ వీరోచితమైన ఇన్నింగ్స్ ల గురించి ఎంతోమంది మాజీ ఆటగాళ్లు స్పందిస్తూ ప్రశంసలు కురిపిస్తున్నారని చెప్పాలి. ఇక ఇటీవలే ఇదే విషయంపై స్పందించిన పాకిస్తాన్ మాజీ కెప్టెన్ సల్మాన్ భట్ సైతం ఏకంగా పొగడ్తలతో శుభమన్ గిల్ ను ఆకాశానికి ఎత్తేశాడు అని చెప్పాలి. శుభమన్ గిల్ ఇదే ఫామ్ లో కొనసాగితే ప్రపంచ క్రికెట్ను శాసించడం ఖాయం అంటూ సల్మాన్ బట్ అభిప్రాయపడ్డాడు.
గిల్ భవిష్యత్తు సూపర్ స్టార్.. న్యూజిలాండ్తో మొదటి వన్డే మ్యాచ్లో డబుల్ సెంచరీ బాది.. ఇక మూడో వన్డే మ్యాచ్లో సెంచరీ సాధించాడు. కేవలం ఒక్క భారీ స్కోర్ తో అతడు సంతృప్తి చెందడం లేదు. అతను ప్రస్తుతం పరుగుల దాహంతో ఉన్నాడు అనడానికి ఇక ఇదే నిదర్శనం అంటూ సల్మాన్ బట్ చెప్పుకొచ్చాడు. 23 ఏళ్ల వయసులోనే శుభమన్ గిల్ చేసిన బ్యాటింగ్ అద్భుతం.. ఒకప్పుడు 30, 40 పరుగులు చేసి వికెట్ కోల్పోయేవాడు అని భావించే వాళ్ళం. కానీ ఇప్పుడు అందరి అభిప్రాయాన్ని మార్చేశాడు. ఇక ప్రపంచ క్రికెట్ను శాసించేది అతడే అనడంలో అతిశయోక్తి లేదు అంటూ ప్రశంసలు కురిపించాడు.
