యముడి కోరలు తెరచుకునే రోజు!
హిందూ పురాణాల ప్రకారం, కార్తీక పౌర్ణమి నుంచి మార్గశిర పౌర్ణమి వరకు యమధర్మ రాజు తన కోరలు తెరుచుకొని ఉంటాడట! దీని అర్థం- ఈ సమయంలో యముడు భూలోకంలోని భక్తులపై కరుణ చూపుతాడని, వారి కర్మ ఫలాలను పక్కకు నెట్టి, సకల వ్యాధులు, అనారోగ్య సమస్యలను తన కోరల శక్తితో తొలగిస్తాడని ప్రగాఢ నమ్మకం. ఈ అపమృత్యు భయాన్ని తొలగించినందుకు కృతజ్ఞతగా మార్గశిర పౌర్ణమి రోజున యమధర్మరాజును ప్రత్యేకంగా పూజిస్తారు.
చిత్రగుప్తుడి సోదరి ‘కోరలమ్మ’
ఈ పౌర్ణమికి ‘కోరల పౌర్ణమి’ అనే పేరు రావడానికి ముఖ్య కారణం- ఈ రోజున యమధర్మరాజు ఆస్థానంలోని చిత్రగుప్తుడి సోదరి ‘కోరలమ్మ’ను పూజించడం! చిత్రగుప్తుడు ఈ రోజు తన చెల్లెలు కోరల ఇంటికి విందు కోసం వస్తాడు. అందుకే, కోరలమ్మను పూజిస్తే.. ఆమె ద్వారా చిత్రగుప్తుడి అనుగ్రహం, తద్వారా యముడి శాంతం లభిస్తుందని నమ్ముతారు. ముఖ్యంగా, ఈ రోజున కోరలమ్మను ఆరాధించిన వారికి నరక బాధలు తొలగిపోతాయి, అపమృత్యు భయాలు దరిచేరవు.
మినప రొట్టె రహస్యం, శునకానికి నైవేద్యం!
కోరల పౌర్ణమి రోజున ఆచరించాల్సిన అత్యంత విశేషమైన ఆచారం ఒకటుంది. ఆ రోజున మినప రొట్టెలు (కుడుములు) తయారుచేసి, ఆ నైవేద్యాన్ని తల్లి కోరలమ్మకు సమర్పిస్తారు. ఆ తర్వాత, ఆ రొట్టెలో నుంచి ఒక చిన్న ముక్కను కొరికి, శునకాలకు వేస్తారు.శునకం సాక్షాత్తు కాలభైరవుడి వాహనం. యమధర్మరాజుకు అత్యంత ప్రీతిపాత్రమైనది. అందుకే, శునకానికి నైవేద్యం పెట్టడం ద్వారా కాలభైరవుడి అనుగ్రహం లభించి, సమస్త దరిద్రాలు, దోషాలు నివారించబడతాయి. కోరల పౌర్ణమి రోజున ఈ చిన్న ఆచారాన్ని పాటిస్తే.. అనారోగ్య భయం పోయి, ఆ ఇంటిపై కోట్ల వర్షం కురుస్తుందని భక్తుల విశ్వాసం. అందుకే, ఈ శక్తివంతమైన పౌర్ణమిని ఎవ్వరూ మిస్ చేసుకోరు!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి