వెస్టిండీస్ దిగ్గజం వివ్ రిచార్డ్స్ 88 ఇన్నింగ్స్ లో వన్డేల్లో నాలుగు వేల పరుగులు పూర్తి చేసుకున్న మైలురాయిని అందుకున్నాడు. ఇక ఇప్పుడు వెస్టిండీస్ ఓపెనర్ శాయ్ హోప్ కూడా సరిగ్గా 88 ఇన్నింగ్స్ లోనే ఈ ఘనత సాధించడం గమనార్హం. ఇలా వెస్టిండీస్ క్రికెట్ దిగ్గజం వివ్ రిచార్డ్స్ తో తన రికార్డును సమం చేశాడు షాయ్ హోప్. పాకిస్తాన్తో జరిగిన తొలి వన్డే మ్యాచ్లో సెంచరీతో చెలరేగాడు అన్న విషయం తెలిసిందే. మొత్తంగా 127 పరుగులు చేశాడు. ఈ క్రమంలోనే ఈ అరుదైన రికార్డును తన ఖాతాలో వేసుకున్నాడు అని తెలుస్తోంది..
కాగా 2016 లో వెస్ట్ఇండీస్ తరఫున అరంగేట్రం చేసిన షాయ్ హోప్ ఇప్పటివరకు 88 వన్డే ఇన్నింగ్స్ లో ఆడాడు. ఈ క్రమంలోనే 4026 పరుగులు సాధించాడు. ఇక ఈ లిస్టులో దక్షిణాఫ్రికా దిగ్గజం హషీమ్ ఆమ్లా మొదటి స్థానంలో కొనసాగుతున్నాడు అనే చెప్పాలి. హషీమ్ ఆమ్లా కేవలం 81 ఇన్నింగ్స్ లోనే నాలుగు వేల పరుగుల మైలురాయిని అందుకోవడం గమనార్హం. ఇక ఆ తర్వాత పాకిస్తాన్ కెప్టెన్ బాబర్ అజాం 82 ఇన్నింగ్స్ లలో ఈ ఘనత సాధించి ప్రస్తుతం అతి తక్కువ ఇన్నింగ్సులో నాలుగు వేల పరుగుల మైలురాయిని అందుకున్న ఆటగాడిగా ప్రపంచ క్రికెట్ లో రెండవ స్థానంలో కొనసాగుతున్నాడు..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి