
వరుసగా ఓటములు చవిచూస్తూ అభిమానులు అందరిని కూడా తీవ్రంగా నిరాశ పరుస్తుంది. టైటిల్ ఫేవరెట్ గా బరిలోకి దిగిన పాకిస్తాన్ చివరికి టైటిల్ బరిలో లేకుండా పోయే పరిస్థితిని కొని తెచ్చుకుంటుంది అని చెప్పాలి. అయితే ఒకవైపు పాకిస్తాన్ జట్టు వరుస ఓటములతో సతమతమవుతున్నప్పటికీ ఇక ఆ జట్టులో ఉన్న ప్లేయర్లు మాత్రం మంచి ప్రదర్శన చేస్తూ ఇక వరల్డ్ రికార్డులను బద్దలు కొడుతున్నారు అని చెప్పాలి. మొన్నటికి మొన్న పాకిస్తాన్ బ్యాటర్ ఏకంగా పాకిస్తాన్ ఉమెన్స్ క్రికెట్ తరఫున మొదటి సెంచరీ చేసిన ప్లేయర్గా రికార్డు సృష్టించింది.
ఇక ఇటీవల ఇంగ్లాండుతో జరిగిన మ్యాచ్లో పాకిస్తాన్ బౌలర్ ఇలాంటి ఒక సరికొత్త రికార్డును ఖాతాలో వేసుకుంది అని చెప్పాలి. ఉమెన్స్ టి20 వరల్డ్ కప్ లో భాగంగా ఇటీవల ఇంగ్లాండు తో మ్యాచ్ జరిగింది. అయితే ఈ మ్యాచ్ లో భాగంగా ఇంగ్లాండ్ భారీ స్కోరు చేసింది. ఇక ఆ తర్వాత భారీ లక్ష్య చేదనతో బరిలోకి దిగిన పాకిస్తాన్ పూర్తిగా చేతులెత్తేసింది. అయితే పాకిస్తాన్ ఓడిపోయినప్పటికీ పాక్ బౌలర్ నిదా దార్ మాత్రం రికార్డు సృష్టించింది. టీ20 వరల్డ్ కప్ చరిత్రలో అత్యధిక వికెట్లు పడగొట్టిన బౌలర్ గా నిలిచింది. ఇంగ్లాండ్తో మ్యాచ్లో ఒక వికెట్ పడగొట్టడం ద్వారా ఈ ఘనత సాధించింది. నిధాదార్ 130 మ్యాచుల్లో 126 వికెట్లు పడగొట్టింది. అంతకుముందు ఈ రికార్డ్ వెస్టిండీస్ ఆల్ రౌండర్ అనూష (125 )పేరిట ఉండేది.