ఏకంగా 2023 ఐపీఎల్ సీజన్ కు సంబంధించి జరిగిన మినీ వేలంలో ఇంగ్లాండ్ స్టార్ ప్లేయర్ అయిన బెన్ స్టోక్స్ ని అటు 16.25 కోట్ల రూపాయలు పెట్టి కొనుగోలు చేసింది చెన్నై జట్టు యాజమాన్యం
అయితే అతను జట్టుకు ఎంతో ఉపయోగపడతాడని.. ఇక జట్టు టైటిల్ విన్నర్ గా నిలవడంలో కీలక పాత్ర వహిస్తాడని ఎంతో నమ్మకాన్ని పెట్టుకుంది. అయితే బెన్ స్టోక్స్ ఆడిన కొన్ని మ్యాచ్లలో ఎందుకొ స్థాయికి తగ్గ ప్రదర్శన చేయలేదు. అతనికి 16.25 కోట్లు పెట్టి చెన్నై యాజమాన్యం తప్పు చేసిందేమో అనే విధంగానే అతని ప్రదర్శన కొనసాగింది.
సరేలే తర్వాత మ్యాచ్లలో అయినా పుంజుకుంటాడు అనుకునే లోపే అతను గాయం బారిన పడి జట్టుకు దూరమయ్యాడు. అయితే ఇటీవల గాయం నుంచి కోలుకొని మళ్ళీ జట్టులోకి వస్తున్నాను అంటూ ప్రకటించాడు. కానీ ప్రస్తుతం చెన్నై జట్టుకి మరో ఊహించని షాక్ తగిలింది. ఎందుకంటే స్టోక్స్ కీ అయినా గాయం తిరగబెట్టినట్లు కోచ్ ఫ్లెమింగ్ ఇటీవల తెలిపారు. మరో వారం పాటు అతను అందుబాటులో ఉండడని ప్రకటించారు. ఇప్పుడు వరకు చెన్నై సూపర్ కింగ్స్ ఆరు మ్యాచ్లు ఆడగా బెన్ స్టోక్స్ కేవలం తొలి రెండు మ్యాచ్లు మాత్రమే ఆడి గాయం కారణంగా జట్టుకు దూరమయ్యాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి