గతంలో చిన్నస్వామి స్టేడియంలో బెంగుళూరు లక్నో మధ్య జరిగిన మ్యాచ్ లో లక్నో మెంటర్ గౌతమ్ గంభీర్ చేసిన దాన్ని గుర్తుపెట్టుకున్న కోహ్లీ ఇక లక్నోను వారి హోమ్ గ్రౌండ్ లో మ్యాచ్ ఆడుతున్నప్పుడు అదే రిపీట్ చేసి కౌంటర్ ఇచ్చాడు. దీంతో గంభీర్, విరాట్ కోహ్లీ ఒకరికొకరు ఎదురుపడి ఏకంగా విమర్శలు చేసుకున్నారు. ఏకంగా ఒకరిపై ఒకరు చేయి చేసుకుంటారేమో అనేంతలా వారు ప్రవర్తించారు అని చెప్పాలి. ఈ ఘటనపై ఆగ్రహం వ్యక్తం చేసిన మ్యాచ్ రిపరి ఇద్దరికీ 100% మ్యాచ్ ఫీజు కోత విధిస్తూ నిర్ణయం తీసుకున్నారు.
అయితే ఇదే విషయంపై స్పందిస్తున్న ఎంతో మంది మాజీ ఆటగాళ్లు కేవలం జరిమానా విధిస్తే సరిపోదని అంతకుమించిన కఠినమైన చర్యలు తీసుకోవాలని అభిప్రాయపడుతున్నారు. ఇక ఇప్పుడు ఇలాగే స్పందించాడు మాజీ ప్లేయర్ వీరేంద్ర సెహ్వాగ్. మ్యాచ్ ఓడిన వాళ్ళు నిశ్శబ్దంగా ఓటమిని అంగీకరించి వెళ్లాలి. గెలిచిన వాళ్ళు సంబరాలు చేసుకుంటూ వెళ్లాలి. వాళ్ళు సెలబ్రిటీలు.. వాళ్ళు ఏం చేసినా లక్షల మంది చూస్తారు. మావాడు చేశాడు కాబట్టి నేను కూడా చేస్తా అని ఫ్యాన్స్ ఫీల్ అయ్యే అవకాశం ఉంది. ఇలాంటి వాటిని బీసీసీఐ కఠినంగా పరిగణించి ఇక వారిపై నిషేధం విధించాలి అంటూ వీరేంద్ర సెహ్వాగ్ వ్యాఖ్యానించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి