ఈ క్రమంలోనే ప్రస్తుతం ఇంగ్లాండ్, ఆస్ట్రేలియా జట్ల మధ్య ఆస్ట్రేలియా వేదికగా సిరీస్ జరుగుతుంది. ఈ సిరీస్ లో భాగంగా వరల్డ్ టెస్ట్ చాంపియన్షిప్ గెలిచి విశ్వవిజేతగా నిలిచిన ఆస్ట్రేలియా జట్టు సొంత గడ్డపై మరోసారి సత్తా చాటింది. పటిష్టమైన ప్రత్యర్థి అయిన ఇంగ్లాండును మొదటి టెస్ట్ మ్యాచ్ లో ఓడించి ఆధిపత్యాన్ని కొనసాగించింది అని చెప్పాలి. అయితే ఇక ఇటీవల ఈ రెండు జట్ల మధ్య రెండో టెస్ట్ మ్యాచ్ జరిగింది. రెండో టెస్ట్ మ్యాచ్లో కూడా నువ్వా నేనా అన్నట్లుగానే పోరు సాగుతుంది. ఈ క్రమంలోనే ఇంగ్లాండ్ స్టార్ బ్యాట్స్మెన్ జో రూట్ ఇటీవల తన బౌలింగ్ తో అదరగొట్టాడు.
సాధారణంగా జట్టులో స్పెషలిస్ట్ బ్యాట్స్మెన్ గా ఉన్న ఆటగాళ్లు బౌలింగ్ చేయడం అరుదుగా చూస్తూ ఉంటాం. ఇక ఇటీవల రెండో టెస్ట్ మొదటి ఇన్నింగ్స్ లో జో రూట్ తన బౌలింగ్ తో అదరగొట్టాడు. ఒకే ఓవర్ లో రెండు వికెట్లు తీసి అందరిని ఆశ్చర్యపరిచాడు. ఇన్నింగ్స్ 75 ఓవర్లో రెండో, ఐదో బంతికి హెడ్, గ్రీన్ లను అవుట్ చేశాడు. 77 పరుగులు చేసి దూకుడు మీద ఉన్న హెడ్ స్టంప్ అవుట్ కాగా.. గ్రీన్ అండర్సన్ కు క్యాచ్ ఇచ్చి డకౌట్ గా వెనుతిరిగాడు. ఈ క్రమంలోనే జోరూట్ వేసిన బౌలింగ్ అటు ఇంగ్లాండ్ కు ఎంతగానో ఉపయోగపడింది అని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి