ఇక ఎంతోమంది యంగ్ క్రికెటర్లకు కూడా తమ ప్రతిభ ఏంటో నిరూపించుకొని అంతర్జాతీయ క్రికెట్ లోకి అడుగు పెట్టేందుకు ఐపీఎల్ అనేది ఒక మంచి వేదికగా మారిపోయింది. ఇక ఇలా ఎంతోమంది ప్రతిభగల యువ ఆటగాళ్లు కోట్ల రూపాయల ధర పలుకుతూ ఉండడంతో ఐపీఎల్ వల్ల ఇక ఎంతోమంది ఆటగాళ్ల ఆర్థిక కష్టాలు కూడా దూరం అవుతున్నాయి. అయితే ఇక ఇప్పుడు 2024 ఐపీఎల్ సీజన్ కోసం అని ఏర్పాట్లు చేస్తుంది బీసీసీఐ. డిసెంబర్ 19వ తేదీన మినీ వేలం నిర్వహించబోతుంది అన్న విషయం తెలిసిందే.
అయితే ఈ మినీ వేలం ప్రక్రియను భారత్ వేదికగానే నిర్వహిస్తారు అని అనుకున్నప్పటికీ ఇక ఈ వేదికను దుబాయ్ కి మారుస్తూ బీసీసీఐ నిర్ణయం తీసుకుంది. అయితే ఇప్పటికే అన్ని టీమ్స్ కూడా జట్టు నుంచి వదిలేసుకోవాలి అన్న ఆటగాళ్ల వివరాలను కూడా ప్రకటించాయి. అదే సమయంలో ఇక మొన్నటి వరకు వరల్డ్ కప్ లో సత్తా చాటిన ఎంతో మంది యంగ్ ప్లేయర్స్ కూడా అటు ఐపీఎల్ మినీ వేలంలో పాల్గొనే అవకాశం ఉంది. దీంతో ఎంతమంది ఐపీఎల్ మినీ ఆక్షన్ లో పాల్గొనబోతున్నారు అన్న విషయాన్ని ఇటీవల బీసీసీఐ ప్రకటించింది. ఏకంగా 590 మంది స్వదేశీ, విదేశీ ఆటగాళ్లు ఇందులో పాల్గొనబోతున్నారు. ఈ వేలంలో వరల్డ్ కప్ హీరోలకు భారీ ధర పలికే అవకాశం ఉంది అని అందరూ అంచనా వేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి