దాదాపు రెండు దశాబ్దాలకు పైగానే భారత క్రికెట్లో సేవలు అందించి అద్భుతమైన ఆట తీరుతో ఆకట్టుకున్నాడు అన్న విషయం తెలిసిందే. ఇక ఇప్పటి క్రికెటర్లకు సైతం బ్రేక్ చేసేందుకు సాధ్యం కాని రీతిలో ఎన్నో అద్భుతమైన రికార్డులను సచిన్ టెండూల్కర్ సాధించాడు అని చెప్పాలి. అయితే కేవలం సచిన్ క్రికెటర్గా ఎదగడమే కాదు తనతో పాటు ఇంకా ఎంతో మంది క్రికెటర్లకు చేయూతనిచ్చి వాళ్ళు కూడా ఎదిగేలా చేశాడు. అయితే ఇక్కడ ఒక క్రికెటర్ సచిన్ తన కెరియర్ ఎదుగుదలకు ఎలాంటి తోడ్పాటును అందించాడు అన్న విషయాన్ని చెప్పుకొచ్చాడు.
సచిన్ చెప్పిన ఒక్క మాట తనలో కాన్ఫిడెన్స్ నింపింది అంటూ చెప్పుకొచ్చాడు ఫేస్ బౌలర్ వరుణ్ ఆరోన్. తన అరంగేట్రం టెస్టులోనే సచిన్ వల్లే పుంజుకోగలిగాను అంటూ ఇటీవల ఒక స్పోర్ట్స్ ఛానల్ ఇంటర్వ్యూలో గుర్తు చేసుకున్నాడు. వాంకడేలో ఉన్న నా డెబ్యూ మ్యాచ్ అది. 21 ఓవర్లు వేసిన నాకు ఒక్క వికెట్ కూడా దక్కలేదు. దీంతో ఎంతగానో డీల పడిపోయాను. ఆ సమయంలో సచిన్ నన్ను చూసి నా దగ్గరికి వచ్చాడు. తాను వరల్డ్ కప్ ఆడటానికి 21 ఏళ్ళు ఎదురు చూశాను అంటూ సచిన్ నాతో అన్నాడు. దీంతో నాలో కాన్ఫిడెన్స్ మరింత పెరిగింది. ఇక ఆ తర్వాత ఓవర్ లోనే వికెట్ దక్కింది. మొత్తంగా ఆ ఇన్నింగ్స్ లో మరో రెండు వికెట్లను కూడా దక్కించుకోగలిగాను అంటూ వరుణ్ ఆరోన్ చెప్పుకొచ్చాడు.