రోదసిలో తయారీ’ అంటే..
భూమి మీద ప్రయోగశాలల్లో తయారు చేసే ఔషధాలు, వ్యాక్సిన్లు, వైద్య పరికరాలు ఇకపై అంతరిక్షంలో ఏర్పాటు చేసిన ప్రత్యేకమైన మెడికల్ ల్యాబ్లలో ఉత్పత్తి చేస్తారు. యూరోపియన్ స్పేస్ ఏజెన్సీ, బ్రిటన్కు చెందిన ప్రైవేట్ అంతరిక్ష పరిశోధన సంస్థ ‘ స్పేస్ ఫోర్జ్ ’తో కలిసి సమయుక్తంగా ఈ ` రోదసి తయారీ ` ప్రాజెక్టును చేపట్టింది. ల్యాబోరేట్స్ నిర్మాణానికి అవసరమయ్యే మెటీరియల్ను సరఫరా చేసేందుకు ఫోర్జ్స్టార్ ఒక వ్యోమనౌకనూ తయారు చేస్తోంది. 2022 లేదా 2023 సంవత్సరంలో ఈ ప్రయోగం చేపట్టనున్నారని తెలుస్తోంది.
అసలు రోదసిలో ఎందుకు..?
అంతరిక్షంలో వాతావరణం, గురుత్వాకర్షణ శక్తి ఉండవన్న సంగతి అందరికీ విధితమే. రోగాలను తగ్గించే మందులు, ఔషధాలు, వ్యాక్సిన్లను అంతరిక్షంలో ఉన్న స్వచ్ఛమైన పరిస్థితుల్లో అభివృద్ధి చేస్తే వాటిపై సూక్ష్మజీవుల ప్రభావం పడే అవకాశం అసలే ఉండదు. దీంతో ఔషధాల పనితీరుతో పాటు జీవిత కాలం ఎక్కువగా ఉండే అవకాశం ఉంటుంది. ఔషధ సామర్థ్యాన్ని కూడా పెంచేందుకు వీలుంటుంది. అలాగే.. సున్నితమైన వైద్య పరికరాల తయారీలో వినియోగించే లోహాలను వివిధ మోతాదుల్లో కలపాల్సి ఉంటుంది. భూమి మీద ఉన్న పీడనం, ఉష్ణోగ్రతల్లో మార్పుల కారణంగా ఆ ప్రక్రియకు చాలా సందర్భాల్లో అంతరాయం ఏర్పడుతున్నది. అయితే.. రోదసిలో వీటిని ఉత్పత్తి చేస్తే ఈ సమస్యలన్ని తొలగిపోతాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి