ఇక ఇన్‌స్టంట్ మెసేజింగ్ యాప్ అయిన వాట్సాప్ కొత్త అప్‌డేట్‌పై పనిచేస్తోంది. యూజర్లకు ఎప్పటికప్పుడు సరికొత్త ఆఫ్షన్స్ ఇంకా అలాగే అప్‌డేట్స్‌ను అందిస్తూ, బాగా దూసుకపోతోంది.ఇక ఈ క్రమంలో మరో సరికొత్త ఫీచర్‌పై పనిచేస్తోంది. ఈ కొత్త అప్‌డేట్ తర్వాత, ఇన్‌స్టాగ్రామ్ మాదిరిగానే వినియోగదారులు స్టేటస్‌పై రియాక్షన్‌లను కూడా ఇవ్వగలరు. ఒక కొత్త నివేదిక ప్రకారం, whatsapp వినియోగదారుల స్టేటస్ పై ఎమోజీలతో ప్రతిస్పందించడానికి అనుమతించే ఒక ఫీచర్‌పై కూడా పనిచేస్తోంది. ఇక ఇది ఇన్‌స్టాగ్రామ్ స్టోరీస్‌లోని రియాక్ట్ ఫీచర్ లాగానే ఉంటుంది.ఇక WABetaInfo నివేదిక ప్రకారం, Android 2.22.16.10 అప్‌డేట్ కోసం whatsapp బీటాలో క్విక్ రియాక్షన్ ఫీచర్ అనేది కనిపించింది. ఈ నివేదికలో షేర్ చేసిన స్క్రీన్‌షాట్ ప్రకారం, వాట్సాప్ యూజర్లకు ఆరు ఎమోజీలలో దేనినైనా కూడా ఎంచుకోవడానికి ఎంపికను ఇస్తుంది. ఇది ఇన్‌స్టాగ్రామ్ స్టోరీ ఎమోజీ రియాక్షన్ లాగానే పని చేస్తుంది. ఈ ఆరు ఎమోజీల్లో నవ్వుతున్న ఎమోజీ, ఆనందం, నోరు తెరిచిన ఎమోజీ, ఏడుస్తున్న ఎమోజీ, మడతపెట్టిన చేయి ఇంకా చప్పట్లు కొట్టడం, పార్టీ పాపర్ ఇంకా వంద పాయింట్స్ లాంటి ఎమోజీలు ఉంటాయి.


ఇక ఈ ఫీచర్ ఎలా పని చేస్తుందంటే? ఒక వ్యక్తి కనుక స్టేటస్‌పై ఇతరులు ఎమోజీతో ప్రతిస్పందించినప్పుడు, అది రిసీవర్‌కు అందుతుంది. ఈ క్విక్ రియాక్షన్ చాట్‌లో whatsapp స్టేటస్ ఇంకా రిప్లై మోడ్‌లో కనిపిస్తుంది. ఈ విధంగా యూజర్లు కీబోర్డ్‌ను ఓపెన్ చేయాల్సిన అవసరం కూడా లేదు. ఇక స్టేటస్‌పై స్పందించేందుకు ఎమోజీల కోసం శోధించాల్సిన పని కూడా లేదు. కేవలం ఒక ట్యాప్‌తో స్టేటస్‌పై ఆరు క్యూరేటెడ్ ఎమోజీలతో రిప్లై అనేది ఇవ్వొచ్చు.ఇక WABetaInfo ఈ ఫీచర్ ఇంకా టెస్టింగ్ కండీషన్‌లో ఉందని పేర్కొంది. ఈ ఫీచర్ ఎప్పుడు అందుబాటులోకి వస్తుందనే దానిపై ఇంకా ఎటువంటి ధృవీకరణ అనేది లేదు. అయితే ఈ ఫీచర్ త్వరలో వినియోగదారులందరికీ అందుబాటులోకి రానున్నట్లు సమాచారం తెలుస్తోంది.

మరింత సమాచారం తెలుసుకోండి:

whats app

Purushottham Vinay

25/07/2022 01:18 PM