ముఖ్యంగా, సెకండ్ హ్యాండ్ ఫోన్ కొనేటప్పుడు దాని బ్యాటరీ జీవితకాలం గురించి పూర్తి స్పష్టత ఉండదు. ఫోన్‌ను ఇంతకు ముందు ఎంతకాలం వాడారు, బ్యాటరీ ఆరోగ్య పరిస్థితి ఎలా ఉందో తెలియదు. కొత్త ఫోన్‌లో లభించేంత బ్యాటరీ బ్యాకప్ సెకండ్ హ్యాండ్ ఫోన్‌లో లభించకపోవచ్చు. ఇది రోజువారీ వాడకంలో ఇబ్బందులు సృష్టిస్తుంది, తరచుగా ఛార్జింగ్ చేయాల్సి వస్తుంది.
రెండవది, ఫోన్ లోపలి భాగాలు ఎలా ఉన్నాయో తెలుసుకోవడం కష్టం. ఫోన్ కిందపడిందా, నీటిలో పడిందా వంటివి బయటికి కనిపించవు. లోపలి భాగాలలో ఏమైనా సమస్యలు ఉంటే అవి వెంటనే కనిపించకపోవచ్చు కానీ, భవిష్యత్తులో తీవ్రమైన సమస్యలకు దారితీస్తాయి. కొన్నిసార్లు, తక్కువ నాణ్యత గల స్పేర్ పార్ట్స్ ఉన్న ఫోన్లు కొనుగోలు చేస్తే ఇబ్బందులు పడే అవకాశాలు అయితే ఉంటాయి.
చాలా సెకండ్ హ్యాండ్ ఫోన్లకు వారంటీ ఉండదు. ఒకవేళ ఫోన్ కొన్న కొద్ది రోజులకే ఏదైనా సమస్య వస్తే, దాని ఖర్చు మీరే భరించాల్సి ఉంటుంది. ఇది మీ బడ్జెట్‌ను అదనంగా పెంచుతుంది. కొత్త ఫోన్‌తో వచ్చే తయారీదారు వారంటీ సెకండ్ హ్యాండ్ ఫోన్లకు ఉండవు. దొంగిలించబడిన ఫోన్‌ను కొనుగోలు చేస్తే, మీరు చట్టపరమైన సమస్యలను ఎదుర్కోవాల్సి రావచ్చు. పాత మోడల్ ఫోన్లకు తరచుగా సాఫ్ట్‌వేర్ అప్‌డేట్‌లు రాకపోవచ్చు. దీనివల్ల కొత్త ఫీచర్‌లను ఉపయోగించలేకపోవడం, భద్రతాపరమైన లోపాలు ఉండటం జరుగుతుంది. అప్‌డేట్‌లు లేకపోవడం వల్ల ఫోన్ నెమ్మదిగా పని చేయవచ్చు, కొన్ని అప్లికేషన్‌లు సపోర్ట్ చేయకపోవచ్చు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి