ఊహించని వ్యాఖ్యలు చేసి అందరిని షాక్ కు గురి చేశారు యూకేకు చెందిన హాస్యనటుడు. సాధారణంగా మీ చివరి కోరిక ఏమంటే.. ఒక్కొక్కరు ఒక్కోలా మాట్లాడతారు. మానవత్వం మూర్తీభవించిన వారు.. తమ డెడ్ బాడీని పరీక్షల కోసం మెడికల్ కాలేజీలకు ఇవ్వాలని కోరుకుంటారు. ఇంకొందరు అవయువ దానం చేయాలన్న అభిలాషను వ్యక్తం చేస్తారు.కానీ ప్రముఖ బ్రిటన్ హాస్యనటుడు, నిర్మాత, డైరెక్టర్ రికీ జెర్వీన్ వింత కోరిక కోరాడు. ఒక చానల్ కు ఇచ్చిన ఇంటర్వ్యూలోని అంశాలు ఇప్పుడు సంలనంగా మారాయి.ఆయన కోరిన కోరిక అందరినీ ఆశ్చర్యానికి గురి చేస్తోంది. తాజాగా ఒక ఇంటర్వ్యూలో ‘మీరు చనిపోయిన తర్వాత మీ బాడీని ఏం చేయాలనుకుంటున్నారు’ అని ఛానెల్ ప్రతినిధి ప్రశ్నించాడు.దీనికి రికీ జెర్వీన్ సమాధానం ఇస్తూ.. చనిపోయిన తర్వాత తన మృతదేహాన్ని లండన్ జూపార్కులోని సింహాలకు ఆహారంగా వేయాలని కోరుకుంటున్నట్లు తెలిపాడు

‘ప్రపంచం నుంచి మనం అన్ని తీసుకుంటున్నాం. స్వేచ్ఛగా తిరిగే జంతువుల్ని తింటున్నాం. అడవుల్ని నరికేస్తున్నాం. అన్నింటిని నాశనం చేస్తున్నాం. కానీ.. తిరిగి ఏమీ ఇవ్వట్లేదు. అందుకే సింహాలకు ఆహారంగా అయినా ఉపయోగపడాలని ఉంది. నా డెడ్ బాడీని సింహాలు తింటుంటే.. అక్కడికి వచ్చే సందర్శకుల ముఖాల్లోని భావాల్ని చూడాలని ఉంది’’ అంటూ పేర్కొన్న మాటలు ఇప్పుడు షాకింగ్ గా మారాయి.జరుగుతున్న పరిణామాలు.. ప్రపంచంలోమనిషి తన బాధ్యతను అంతకంతకూ తగ్గించుకుంటూ పోతున్న తీరుపై తనకున్న అక్రోశాన్ని విభిన్నంగా రికీ అల చెప్పాడన్నమాట.తన మరణానంతరం శరీరం ఇలాగైనా ఉపయోగపడుతున్నందుకు సంతోషపడతానని పేర్కొన్నాడు రికి
 
అయితే ఆయన మాటలకు లండన్ లోని ప్రముఖ జూ స్పందించింది. రికీని తినటానికి తమ జూలోని సింహాలకు కష్టంగా ఉండొచ్చంటూ జూ నిర్వహణాధికారి సరదాగా వ్యాఖ్యానించారు. లాక్ డౌన్ నేపథ్యంలో జూ నిర్వహణ బాధ్యత క్లిష్టంగా మారింది. నిధుల కొరత వెంటాడుతోంది.వరైనా ఏదైనా ఇవ్వాలనుకుంటే విరాళాల రూపంలో ఇవ్వాలని, ఆ సొమ్ముతో ఆహారం కొనుగోలు చేసి సింహాలకు వేస్తామంది.

మరింత సమాచారం తెలుసుకోండి: