ఇలాంటి వాటికి సంబంధించిన వీడియోలు చూసినప్పుడు ఇది ఎలా సాధ్యమైంది అని నెటిజన్లు షాక్ అవుతూ ఉంటారు. ఇప్పుడు ఇలాంటి తరహా వీడియోనే వైరల్ గా మారిపోయింది. సాధారణంగా లేగదూడ తమ అమ్మ ఆవు దగ్గర పాలు తాగడానికి ఇష్ట పడుతూ ఉంటుంది. ఆకలేసిందంటే తల్లి దగ్గరికి పరిగెత్తుకుంటూ వెళ్లి కడుపునిండా పాలు తాగడం వంటివి చేస్తూ ఉంటుంది. కానీ ఇక్కడ మాత్రం ఒక లేగదూడ ఏకంగా ఆ అవును కాదు అని వేరొక జంతువు దగ్గర పాలు తాగడానికి ఇష్టపడుతుంది. ఇక ఆ మరో జంతువు కూడా తన కడుపున పుట్టకపోయినా ఎంతో ప్రేమగా పాలు ఇస్తూ ఉండడం గమనార్హం.
ఈ ఘటన కర్ణాటకలో వెలుగులోకి వచ్చింది. ఒక ఆవు దూడ ఏకంగా కుక్క దగ్గర పాలు తాగుతూ ఉంది. దీనికి సంబంధించిన వీడియో వైరల్ గా మారింది. తుముకూరు జిల్లా కందుకూరు లో తల్లిని కాదని కుక్క దగ్గర కూడా పాలు తాగడానికి వెళ్ళటం చూసి గ్రామస్తులను సైతం ఆశ్చర్యానికి గురి చేసింది. ఇక కుక్క కూడా తరచూ అక్కడికి వస్తూ లేగ దూడకు పాలు ఇస్తుంది అని చెబుతున్నారు స్థానికులు. ఈ క్రమంలోనే ఈ విషయం కాస్త స్థానికంగా హాట్ టాపిక్ గా మారి పోవడం తో ఇది చూసేందుకు చుట్టుపక్కల జనం తరలివస్తున్నారు.
