ప్రపంచంలోని ఏ వ్యక్తుల విజయాలను తీసుకున్నా వారిలో ఉండే కొన్ని ప్రత్యేకమైన లక్షణాలే వారిని విజయతీరాలకు చేర్చి ఉంటాయి. ఇతరులతో పోలిస్తే వారు తక్కువ సమయంలో విజయం సాధించడానికి ఆ ప్రత్యేక లక్షణాలే కారణమవుతాయి. విజయం అనేది ఎవరికీ తొలి ప్రయత్నంలోనే సొంతం కాదు. కానీ ఓర్పుతో విజయం కోసం కష్టపడితే మాత్రం విజయం తప్పక సొంతమవుతుంది. ఓర్పు, విశ్వాసం ఎవరైతే కలిగి ఉంటారో వారు విజయాన్ని సులభంగా సొంతం చేసుకోగలరు.
ఓర్పు అనేది ఎంత చేదుగా ఉంటుందో దాని నుంచి వచ్చే ప్రతిఫలం అంత తియ్యగా ఉంటుంది. ఓర్పు వహిస్తే విజయం తప్పక వరిస్తుంది. చాలా మందికి సక్సెస్ అయ్యే సామర్థ్యం ఉన్నా ఓర్పు, విశ్వాసం లేకపోవడం వల్ల ఫెయిల్ అవుతూ ఉంటారు. ఏ పనినైనా మొదలుపెట్టేముందు పూర్తి విశ్వాసంతో ఫలితం కోసం ప్రయత్నించాలి. కొన్ని సందర్భాల్లో అనుకున్న ఫలితం రాకపోయినా ఓర్పుతో కష్టపడితే ఆలస్యంగానైనా విజయం సొంతమవుతుంది.
ఎవరైతే చేసే పనిలో సక్సెస్ కోసం ప్రయత్నిస్తారో విజయం సాధించే క్రమంలో చేసే పొరపాట్లను, తప్పులను ఎప్పటికప్పుడు సరిదిద్దుకోవాలి. ఎప్పటికప్పుడు ఆత్మ విమర్శ చేసుకుంటూ సాధించే లక్ష్యాలను ఏర్పరచుకోవాలి. అపజయం ఎదురైతే మరో లక్ష్యంతో సులభంగా విజయం సాధించవచ్చు. విజయం సాధించడానికి కృషి లోపం లేకుండా ప్రయత్నం చేయాలి. అప్పటికీ విజయం సాధించలేకపోతే ఆ రంగంలో విజయం సాధించిన వారి సహాయసహకారాలతో సక్సెస్ ను సొంతం చేసుకోవచ్చు.
ఓర్పు, విశ్వాసం లాంటి లక్షణాలు మనకు ఎప్పటికీ బలాలే. ప్రయత్నాలన్నీ విఫలమైన సమయంలో ఓర్పుతో ప్రయత్నిస్తే అనితర సాధ్యమైన విజయాలు సులభంగా సొంతమవుతాయి. ఎవరైనా లక్ష్యాలను గొప్పవాడని ఆకాశానికెత్తేస్తారు. లక్ష్యాలను సాధించకపోతే నిరాశ పడకూడదు. వైఫల్యాల వల్ల మన బలాలు, వాటితో మనం ఏం సాధించగలమో తెలుస్తుంది. అందువల్ల చేసే పనులపై పూర్తి విశ్వాసం ఉంచి ఓర్పుతో ప్రయత్నిస్తే విజయం తప్పక సొంతమవుతుంది.
