జీవితంలో ఏ పనిలోనైనా విజయం సాధించాలంటే మనం దేనిని ఆశిస్తున్నామో దాని కోసం 100 శాతం కృషి చేయాలి. మనస్సు పెట్టి కృషి చేస్తే ఏ పనిలోనైనా విజయం సులభంగా సొంతమవుతుంది. ఏదో చేయాలంటే చేశాం అనేలా లక్ష్యం కోసం ప్రయత్నిస్తే అది మన మూర్ఖత్వమే అవుతుంది. అలా అని ఊరికే కష్టపడినా విజయం సొంతం కాదు. నూటికి నూరు శాతం మనస్సు పెట్టి కృషి చేస్తేనే విజయం తప్పక సొంతమవుతుంది.
మనం ఎంచుకున్న పనిలో సక్సెస్ కావాలంటే తెలివితేటలు, దృక్పథం లాంటి లక్షణాలను పెంచుకోవాలి. వీటిని పెంచుకుంటూ ముందుకు వెళితే మనకు తెలియకుండానే మన జీవితం మెరుగవుతుంది. చాలామంది విజయం సాధించాలంటే సామర్థ్యాన్ని పెంచుకోవాలని అనుకుంటూ ఉంటారు. కానీ సామర్థ్యానికి బదులు అవగాహనా శక్తిని పెంచుకుంటే విజయం తప్పక సొంతమవుతుంది. మనం ఎంచుకున్న లక్ష్యం కోసం పూర్తిస్థాయిలో శ్రమిస్తున్నామా....? లేదా...? అని ఎప్పటికప్పుడు పరిశీలించుకోవాలి.
తెలివితేటలు పెంచుకోవడం ఎలా...? అని చాలామంది సందేహపడుతూ ఉంటారు. జీవితం ఎలా ఉందో అలా చూడగలిగితే బతకడానికి కావలసిన తెలివితేటలు అవే వస్తాయి. అలా కాకుండా ఉంటే మాత్రం మన తెలివితేటలే మనకు విరుద్ధంగా పని చేస్తాయి. వాస్తవం ఎలా ఉందో అలా చూడగలిగినప్పుడు, జీవితంలో ఏదైనా సాధించడం సాధ్యమవుతుంది. విజయం కోసం చేసే ప్రయత్నంలో నూటికి నూరు శాతం శ్రమిస్తే సక్సెస్ తప్పక సొంతమవుతుంది.
జీవితంలో సక్సెస్ కావడానికి జాలి, దయ, మంచితనం లక్షణాలు ఎంతో అవసరం. ఈ లక్షణాలతో సమాజ పరిస్థితులని, సమయాన్ని బట్టి నడుచుకోవాలి. చెడు స్నేహాలకు వీలైనంత దూరంగా ఉండాలి. ఎటువంటి బేధాలు చూడని నిజమైన స్నేహితులను ఎంచుకుంటే వారు మన సక్సెస్ లో సహాయపడతారు. ఇతరులపై ఆధారపడకుండా జీవించడం, మంచి వ్యూహం ఉంటే ఎంచుకున్న పనిలో విజయం సులభంగా సొంతమవుతుంది.
