మనిషి ఎప్పటికీ కనీసం ఒక్క చెడు పని చేయడానికి కూడా సిద్దపడకూడదు. ఎందుకంటే ఒక్కసారి చెడు పని చేసినవారు, మళ్ళీ మళ్ళీ చెడు పనులు చేయడానికి వెనకడుగు వేయరు. మనము ఎప్పుడూ మన ఆలోచలను పదునుగా పెట్టుకోవాలి అప్పుడే మనము మంచిగా జీవించగలము. మనిషికి గెలుపుపై ఉన్న ఆశతో పాటుగా ఆత్మవిశ్వాసం కూడా ఉండాలి, ఇది మనకు గెలుపు ఇవ్వలేకపోయినా...కనీసం గెలుపు సాధించే క్రమంలో ఎదురయ్యే అవరోధాలను అడ్డుకోవడానికి ఉపయోగపడుతుంది. ముఖ్యంగా మన జీవితంలో అయిదు విషయాలకు దూరంగా ఉండాలి...అవేమిటంటే అతి నిద్ర, బద్దకం, భయం, కోపం, నిరాశావాదం. ఇవి కనుక మీరు కలిగి ఉన్నట్లయితే వెంటనే త్యజించండి..ఇవి మీరు త్వరగా నాశనమవడానికి దొఅహదపడతాయే తప్ప...మీ విజయానికి ఏ మాత్రం ఉపయోగపడవు.
మనిషి అహంకారానికి వీలైనంత దూరంగా ఉండడం మంచిది. ఎందుకంటే అహంకారం అనేది నీకు అందరినీ దూరం చేస్తుంది...ఆఖరికి భగవంతుడిని కూడా నీకు దూరం చేస్తుంది. అహంకారం అనేది మనిషి ఎదుగుదలకు అడ్డుగోడ లాంటిది... ఎప్పుడైతే దానిని బద్దలుకొట్టి అధిగమిస్తామో అప్పుడే మనిషి ప్రశాంతంగా జీవించగలుగుతాడు. అహంకారాన్ని దూరం పెట్టినప్పుడే జీవితంలో ముందుకు సాగి అందరి మన్ననలు పొందగలరు. కాబట్టి డబ్బు కన్నా మంచి లక్షణాలు ముఖ్యమైనవని తెలుసుకోండి...