ఈ విషయం మీతో నిరంతరం కలిసి ఉండే ప్రతి ఒక్కరికీ వర్తిస్తుంది. మీతో ఉండేవారు మీ మంచి కోరుకునే వారై ఉండాలి. అలా కాకుండా మీతోనే మంచిగా ఉంటూ మీ వెనుక గోతులు తవ్వకూడదు. మీరు కష్టాల్లో ఉన్నప్పుడు, మీ భుజం తట్టి ధైర్యము చెప్పగలగాలి. మీ దగ్గర డబ్బు ఉన్నప్పుడు మాత్రమే మీతో ఉండి, లేనప్పుడు మిమ్మల్ని వదిలేసి వెళ్లేవారిని మీరు స్నేహితులుగా లేదా బంధువులుగా అనుకోకూడదు. మీతో ఉన్న వారిలో ఎవ్వరు మీకు మంచి చేయగలరో వారితోనే జీవితాంతం మీ బంధాన్ని కొనసాగించండి. తాత్కాలికంగా మీతో ఉండేవారిని దూరం పెట్టండి.
ఆఖరికి మీ బంధువులు అయినా సరే మిమ్మల్ని సరిగ్గా అర్థం చేసుకోనప్పుడు వారిని వదిలేయండి. మంచి మిత్రులను బంధువులను కలుపుకు వెళ్ళండి. ఈ విషయం మీ జీవితంలో ఎంత ముఖ్యమో ముందు ముందు తెలుసుకుంటారు. చెడ్డవారైన స్నేహితులు మరియు బంధువుల కారణంగా ఎంతోమంది మోసపోయిన సందర్భాలు అనేకం. కాబట్టి ఒకే ఒక్క విషయం గుర్తుంచుకో, నీ కున్న బంధం మరియు సంబంధాలలో నిన్ను ప్రేమించే వారే ప్రధానం..