ఉక్రెయిన్‌ పై రష్యా యుద్ధం ప్రకటించి నెల రోజులు దాటినా ఇంకా ఆ దేశంపై రష్యా పట్టు సాధించలేకపోయింది. అయినా కొన్ని నగరాలను తమ స్వాధీనంలోకి తెచ్చుకుంది. మరికొన్ని కొత్త నగరాలవైపు రష్యా దృష్టి సారిస్తోంది. అయితే.. తాము పట్టుకోల్పోయిన ప్రాంతాలను తిరిగి తమ స్వాధీనంలోకి తెచ్చుకునేందుకు ఉక్రెయిన్ కొత్త వ్యూహం రచిస్తోంది.

ఇకపై గెరిల్లా యుద్ధం ద్వారా రష్యా ఆధీనంలోనికి వెళ్లిన కీలక ప్రాంతాలను తిరిగి తమ స్వాధీనం చేసుకోవాలని ఉక్రెయిన్ భావిస్తోంది. రష్యా హస్తగతమైన ప్రాంతాల్లో త్వరలో గెరిల్లా యుద్ధాన్ని ప్రారంభిస్తామని ఉక్రెయిన్‌ నిఘా వ్యవస్థ చీఫ్‌ చెబుతున్నారు. శత్రువుకు దొరకుండా దాడి చేసి తమ ప్రాంతాలను తిరిగి స్వాధీనం చేసుకుంటామని ఆయన అంటున్నారు. గెరిల్లా యుద్ధం చేసే సైన్యం మరొక సైన్యంపై రహస్యంగా దాడి చేసి పారిపోతుంది. సైనికులుసాధారణ ప్రజల మధ్యలోనే ఉంటూ అవకాశం వచ్చిన వెంటనే శత్రు సైన్యంపై దాడి చేసి మట్టి కరిపిస్తారు. గెరిల్లా దాడుల ద్వారా సైన్యాన్ని, పోలీసులను మాత్రమే టార్గెట్ చేసుకుంటారు.


మరింత సమాచారం తెలుసుకోండి:

ukrain war

Chakravarthi Kalyan

28/03/2022 05:14 AM