మహమ్మారి కరోనా బ్రెజిల్ను ఊపిరాడనీయకుండా చేస్తోంది. గడిచిన 24 గంటల్లో లక్షకు పైగా కేసులు నమోదవడంతో ప్రపంచం ఒక్కసారిగా ఉలిక్కిపడింది. రెండు రోజుల్లో ఆరువేల మందికిపైగా మృత్యువాత పడ్డారు. 75 రోజుల్లోనే లక్షమందికిపైగా కరోనా పాజిటివ్తో మృతిచెందినట్లు ఆ దేశ వైద్య, ఆరోగ్యశాఖ వెల్లడించింది. ఇది మా దేశ చరిత్రలో ఇదివరకు ఎన్నడూలేని అతి పెద్ద మారణహోం అని అక్కడి మీడియా వ్యాఖ్యానించింది. ప్రజలకు అబద్దాలు చెప్పి తప్పుదోవ పట్టించిన అధ్యక్షుడు బొల్సెనారోదే ఈ పాపం అని తేల్చేసింది. కొవిడ్-19 నుంచి బ్రెజిల్ ను కాపాడాలంటే ఆ వ్యక్తి చేతిలోనే అధికారం ఉంటే సాధ్యం కాదని దేశ మాజీ అధ్యక్షుడు లులాడిసిల్వా తీవ్ర వ్యాఖ్యలు చేశారు. రాజకీయ పార్టీల మధ్య సమన్వయం లేకపోవడంవల్లే దేశంలో కరోనా ఉధృతరూపం దాల్చడానికి కారణమవుతోందని వైద్యనిపుణులు ఆగ్రహం వ్యక్తం చేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి