కొన్ని కొన్ని సార్లు తల్లిదండ్రులను దూరం చేసి పిల్లలను అనాధ గా మార్చి ఆనందపడే విధి.. మరికొన్నిసార్లు పిల్లలను దూరం చేసి తల్లిదండ్రులకు కడుపుకోత మిగులుస్తుంది. ఇక్కడ ఇలాంటి తరహా ఘటన వెలుగులోకి వచ్చింది. అల్లారుముద్దుగా పెంచుకున్న కొడుకు దూరమవడంతో ఆ తల్లిదండ్రులు అరణ్యరోదనగా విలపించారు. ఈ ఘటన అందరినీ కంట తడి పెట్టించింది అని చెప్పాలి. రాజమహేంద్రవరంలో ఈ ఘటన వెలుగులోకి వచ్చింది. వద్దంటే వెళ్ళాడు ఇంకా ఎప్పుడు వస్తాడో ఏమో అంటూ ఆ తల్లి ఎదురు చూడటం మొదలుపెట్టింది.
కానీ కొడుకు రాలేదు కొడుకు మరణ వార్త ఇంటికి వచ్చింది. దీంతో ఆ తల్లి గుండె ఒక్కసారిగా పగిలిపోయింది. గుండెలవిసేలా రోదించింది. తాడేపల్లిగూడెం కి చెందిన డ్రైవర్ గోపికృష్ణ వెంకటలక్ష్మికి ఇద్దరు పిల్లలు వెంకటలక్ష్మి గృహప్రవేశానికి చిన్న కొడుకు చరణ్ తేజ్ తో కలిసి రాజమహేంద్రవరం వచ్చాడు. అయితే ఇటీవలే వరుసకు సోదరుడైన సాయి తో కలిసి చరణ్ తేజ్ పుష్కర్ ఘాట్ వద్ద గోదావరిలో స్నానానికి వెళ్ళాడు. అయితే ఇలా వెళుతున్న సమయంలో వద్దు అంటూ తల్లి వారించినా వినలేదు. ఆ తర్వాత కొడుకు తిరిగి వస్తాడు అని ఆశగా ఎదురుచూస్తుంది ఆ తల్లి. కానీ కొడుకు మరణ వార్త చెవిన పడింది దీంతో ఆ తల్లి కన్నీరు మున్నీరుగా విలపించింది. తండ్రి ఫిర్యాదు కేసు నమోదు చేసిన పోలీసులు దర్యాప్తు చేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి