మనిషి జీవితం ఇంతేనా అని ప్రతి ఒక్కరికి ఇక ఈ వీడియోలను చూసిన తర్వాత అనిపిస్తూ ఉంది. అప్పటివరకు ఎంతో సరదాగా సంతోషంగా కుటుంబ సభ్యులతో గడిపిన వారు చూస్తూ చూస్తుండగానే గుండెపోటు కారణంగా కుప్పకూలిపోతున్న ఘటనలు ఇటీవల కాలంలో కోకోళ్ళలుగా వెలుగులోకి వస్తున్నాయని చెప్పాలి. ఇక్కడ ఇలాంటిదే జరిగింది. ఆ అమ్మాయి పెళ్లి చేసుకుని కొత్త జీవితాన్ని ప్రారంభించాలని ఎన్నో ఆశలు పెట్టుకుంది. ఈ క్రమంలోనే ఒక మంచి అబ్బాయిని చూసి తల్లిదండ్రులు కూడా పెళ్లి నిశ్చయించారు.
అయితే ఇక పెళ్లికి అంత సిద్ధమైంది ఈ క్రమంలోనే మరికొన్ని గంటల్లో పెళ్లి జరుగుతుంది అనుకుంటున్న సమయంలో వధువును గుండెపోటు రూపంలో మృత్యువు కబళించింది. ఈ ఘటన గుజరాత్ లో జరిగింది. బావ్ నగర్ జిల్లా సుభాష్ నగర్ లో కొన్ని గంటలు పెళ్లి జరగాల్సి ఉండగా గుండెపోటుతో వధువు హేతల్ చనిపోయింది. అయితే అదే సమయంలో వరుడు, అతని కుటుంబ సభ్యులు ఊరేగింపుతో పెళ్లి మండపానికి వచ్చారు. ఈ క్రమంలోనే పుట్టెడు దుఃఖాన్ని దిగమింగే చనిపోయిన కుమార్తె స్థానంలో ఆమె చెల్లెను ఇచ్చి వధువు పేరెంట్స్ వివాహం జరిపించడం హాట్ టాపిక్ గా మారిపోయింది అని చెప్పాలి.