ఇలా ఏకంగా స్నేహితులను ఏప్రిల్ ఫూల్ చేద్దామని ఇక కొంతమంది చేసే పనులు కొన్ని కొన్ని సార్లు చివరికి ప్రాణాల మీదికి తెస్తూ ఉంటాయి. ఏదో అనుకుంటే ఇంకేదో జరిగిపోతూ ఉంటుంది. ఇక్కడ ఇలాంటిదే జరిగింది. ఏకంగా స్నేహితుడిని ఏప్రిల్ ఫూల్ చేయాలని అనుకున్నాడు. ఈ క్రమంలోనే ఒక నాటకానికి తెర లేపాడు. కానీ చివరికి ఈ నాటకంలో అతనే ఓడిపోయి.. చివరికి ప్రాణాలు కోల్పోయాడు. ఈ అనూహ్యమైన ఘటన మధ్యప్రదేశ్ లోని ఇండోర్లో వెలుగులోకి వచ్చింది. ఇటీవల కాలంలో సూసైడ్ చేసుకోవాలి అనుకున్న ఎంతో మంది.. ఏకంగా వీడియో కాల్ చేస్తూ ఇలా సూసైడ్ చేసుకుంటూ ఉండటం చూస్తూ ఉన్నాం.
అయితే తాను కూడా ఇలా ఉరి వేసుకుంటున్నట్లు.. నాటకమాడి ఏకంగా స్నేహితుడిని ఏప్రిల్ ఫూల్ చేయాలని అనుకున్నాడు ఓ విద్యార్థి. ఇక ఉరితాడును మెడకి బిగించుకుని ఆ విద్యార్థి ఫ్రెండ్ కి వీడియో కాల్ చేసాడు. తాను సూసైడ్ చేసుకుంటున్నాను అంటూ ఆ వీడియో కాల్ లో స్నేహితునికి తెలిపాడు. ఇద్దరు స్నేహితులు ఫోన్లో మాట్లాడుతున్న సమయంలో తాను నిలబడి ఉన్న కుర్చీ పడిపోవడంతో ఒక్కసారిగా ఉరి అతని మెడకు బిగుసుకుపోయింది. చివరికి అక్కడ ఎవరూ లేకపోవడంతో అతను విలవిలలాడుతూ ప్రాణాలు కోల్పోయాడు. అయితే ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.
