రాజ్మాతో చేసే వంటకాల గురించి ప్రత్యేకంగా చెప్పనవసరం లేదు. ఇవి చాలా రుచిగా ఉంటాయి. చాలా మంది ఎక్కువగా చపాతీ, రోటీ వంటి వాటిలోకి వీటిని కూరగా వండుకుని తింటూ ఉంటారు.  రుచితో పాటు వీటిని తీసుకోవడం వల్ల మన ఆరోగ్యానికి కూడా చాలా మేలు కలుగుతుంది. మాంసాహారం తీసుకోని వారు ఈ రాజ్మాను తీసుకోవడం వల్ల శరీరానికి కావల్సినన్ని చాలా పోషకాలు అందుతాయి. ప్రోటీన్స్ తో పాటు వీటిలో ఐరన్, కాపర్, మాంగనీస్, విటమిన్ బి1 ఇంకా ఫోలేట్ వంటి ఎన్నో పోషకాలు ఉన్నాయి.ఇంకా అలాగే వీటిలో ఐసోప్లేవోన్, ప్లేవనాయిడ్స్, యాంటీ ఆక్సిడెంట్లు కూడా చాలా పుష్కలంగా ఉంటాయి.ఈ రాజ్మాను ఆహారంగా తీసుకోవడం వల్ల మనం చాలా ఆరోగ్య ప్రయోజనాలను పొందవచ్చు.ఇంకా అంతేకాకుండా రాజ్మా  గ్లైసమిక్ ఇండెక్స్ చాలా తక్కువగా ఉంటుంది. కాబట్టి వీటిని తీసుకోవడం వల్ల చక్కెర స్థాయిలు ఈజీగా అదుపులో ఉంటాయి. రాజ్మాను తీసుకోవడం వల్ల గుండె ఆరోగ్యం చాలా బాగా మెరుగుపడుతుంది. శరీరంలో ఉండే చెడు కొలెస్ట్రాల్ ను ఈజీగా నిర్మూలించడంతో పాటు మంచి కొలెస్ట్రాల్ స్థాయిలను పెంచడంలో కూడా ఇవి చాలా బాగా దోహదపడతాయి.


వీటిలో ఉండే పొటాషియం రక్తనాళాల ఆరోగ్యాన్ని మెరుగుపరచడంలో ఇంకా రక్తపోటును అదుపులో ఉంచడంలో దోహదపడుతుంది. ఇంకా అంతేకాకుండా రాజ్మాలో యాంటీ ఆక్సిడెంట్లు పుష్కలంగా ఉంటాయి. ఇవి ఫ్రీరాడికల్స్ తో నిర్మూలించడంలో కూడా చాలా సహాయపడతాయి. అందువల్ల మనం క్యాన్సర్ వంటి వ్యాధుల బారిన పడకుండా ఉంటాము. రాజ్మాలో ఫైబర్ కూడా చాలా ఎక్కువ ఉంటుంది.జీర్ణవ్యవస్థను మెరుగుపరచడంలో ఇంకా మలబద్దకాన్ని తగ్గించడంలో ఇవి చక్కగా పని చేస్తాయి. రాజ్మాను తీసుకోవడం వల్ల మనం ఈజీగా ఆరోగ్యంగా బరువు తగ్గవచ్చు. వీటిని తీసుకోవడం వల్ల ఎముకలు చాలా ధృడంగా, బలంగా తయారవుతాయి.అలాగే శరీరం పుష్టిగా, బలంగా తయారవుతుంది. కంటి ఆరోగ్యం కూడా మెరుగుపడుతుంది. ఇక ఈ విధంగా రాజ్మా మన ఆరోగ్యానికి చాలా మేలు చేస్తుందని వీటిని తీసుకోవడం వల్ల మనం చక్కటి ఆరోగ్యాన్ని సొంతం చేసుకోవచ్చని ఆరోగ్య నిపుణులు చెబుతున్నారు. రాజ్మాను కూడా తప్పకుండా ఆహారంలో భాగంగా తీసుకోవాలని నిపుణులు సూచిస్తున్నారు.

మరింత సమాచారం తెలుసుకోండి:

HEALTH

Purushottham Vinay

23/05/2023 02:41 PM