చాలామంది ప్రజలకు తమ వివిధ వయసులలో రక్తపోటును ఎలా ఉంచుకోవాలో తెలియదు. సాధారణంగా ఆరోగ్యకరమైన రక్తపోటు 120/80గా ఉండాలని డాక్టర్లు చెబుతారు, అయితే, వయస్సు, శారీరక స్థితిని బట్టి రక్తపోటు మారవచ్చు, కాబట్టి మీకు ఏది సాధారణమో లేదా నార్మలో తెలుసుకోవడం ముఖ్యం. నార్మల్ బ్లడ్ ప్రెషర్ రేంజ్ 120/80గా ఉంటుంది.ఆరోగ్య నిపుణుల అభిప్రాయం ప్రకారం, పెద్దలకు 95-145/60-90 మధ్య బీపీ రీడింగ్స్‌ ఉన్న ఆందోళన చెందాల్సిన అవసరం లేదు ఎందుకంటే ఇది కూడా ఒక హెల్తీ బీపీ రేంజ్. బిపి ఎంత ఉంటే అది మంచిది అనేది వ్యక్తి శారీరక స్థితిపై ఆధారపడి ఉంటుంది. కొన్ని సందర్భాల్లో, రోగి మొత్తం ఆరోగ్యంపై ఆధారపడి వైద్యులు 145/90నే నార్మల్ బ్లడ్ ప్రెషర్ గా పరిగణించవచ్చు.

వయస్సు, లింగం, జాతి, బరువు, వ్యాయామ అలవాట్లు, భావోద్వేగాలు, ఒత్తిడి, గర్భం, రోజువారీ దినచర్యతో సహా అనేక అంశాలు రక్తపోటును ప్రభావితం చేస్తాయి. బీపీ సాధారణంగా వయస్సుతో పెరుగుతుంది. స్త్రీలలో సాధారణంగా పురుషుల కంటే తక్కువ రక్తపోటు ఉంటుంది, కానీ మెనోపాజ్ తర్వాత, వారి రక్తపోటు తరచుగా పురుషుల కంటే వేగంగా పెరుగుతుంది.6 నెలల వయస్సు ఉన్న శిశువులకు, సాధారణ రక్తపోటు 45-90 సిస్టోలిక్ (ఎగువ సంఖ్య), 30-65 డయాస్టొలిక్ (దిగువ సంఖ్య) వరకు ఉంటుంది. 18 సంవత్సరాల వయస్సులో, యువకులకు సగటు రక్తపోటు 119/70, యువతులకు 110/68 ఉండాలి. 40, 50 సంవత్సరాల మధ్య వయస్సు ఉన్నవారికి, సాధారణ రక్తపోటు పురుషులలో 124/77, స్త్రీలలో 122/74.

60 ఏళ్లు పైబడిన పురుషులకు, సాధారణ రక్తపోటు 133/69, మహిళలకు ఇది 139/68. వైద్యులు ఈ శ్రేణులను ఈ వయస్సు వారికి తగినవిగా భావిస్తారు.మంచి ఆరోగ్యాన్ని కాపాడుకోవడానికి, ఒక వ్యక్తి రక్తపోటును 100/70 ఉండాలి. రక్తపోటు చాలా ఎక్కువగా ఉండకూడదు. ఇది మీ ధమనులకు హానికరం. మీ రక్తంలో చక్కెర స్థాయిలను క్రమం తప్పకుండా తనిఖీ చేయడం కూడా గుండె ఆరోగ్యానికి చాలా ముఖ్యం.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

l blood pressure

Suma Kallamadi

12/08/2024 05:20 PM