നിങ്ങളുടെ മുടി കൊഴിയുന്നുണ്ടോ? എങ്കിൽ പരിഹാരം ഉണ്ട്. തികച്ചും സ്വാഭാവിക വഴികളാണ് ഇതിന് പരിഹാരമായി വരുന്നത്. മുടി കൊഴിച്ചില്‍ തടയാനും മുടി പുതുതായി വളരാനും സഹായിക്കുന്ന വീട്ടുവൈദ്യങ്ങള്‍ ധാരാളമുണ്ട്. മാത്രമല്ല നല്ല മുടിയെന്നത് പലര്‍ക്കും സ്വപ്‌നം മാത്രമാകും. ഇന്നത്തെ തലമുറയ്ക്കു പ്രത്യേകിച്ചും. മുടി കൊഴിച്ചിലും മുടി വളരാത്തതും അനാരോഗ്യകരമായ മുടിയും അകാല നരയുമെല്ലാം ഇന്നത്തെ തലമുറയെ അലട്ടുന്ന മുടി പ്രശ്‌നങ്ങളാണ്.
മറ്റേതു പ്രശ്‌നങ്ങള്‍ക്കും കൃത്രിമ മരുന്നുകളുണ്ടാകും. എന്നാല്‍ മുടിയുടെ കാര്യത്തില്‍ ഇതൊന്നും സാധ്യമല്ല. കഞ്ഞിവെള്ളമാണ് ഇതിലെ പ്രധാന കൂട്ട്. മുടിയുടേയും ചര്‍മത്തിന്റെയും പല പ്രശ്‌നങ്ങള്‍ക്കും ഇതു നല്ലൊരു പരിഹാരം തന്നെയാണ്. കഞ്ഞിവെള്ളം, അതായത് പഴയ കഞ്ഞിവെള്ളം, പുളിച്ച കഞ്ഞിവെള്ളം തലയില്‍ ഒഴിച്ചു കഴുകുന്നത് പഴയ കാലത്തെ മുടി സംരക്ഷണ വഴികളില്‍ മികച്ചതാണ്. സ്വാഭാവിക കണ്ടീഷണറായി ഇതു പ്രവര്‍ത്തിയ്ക്കുന്നു. താരന്‍ അടക്കമുള്ള പല പ്രശ്‌നങ്ങള്‍ക്കും ഇതു നല്ലതാണ്.
നല്ലൊരു ഷാംപൂവിന്റെ ഗുണം നല്‍കുന്ന ഒന്നാണ് ഉലുവ. പണ്ടത്തെ കാലത്ത് മുത്തശ്ശിമാര്‍ ഉപയോഗിച്ചു പോന്ന നാടന്‍ ഷാംപൂ എന്നു വേണമെങ്കില്‍ വിളിയ്ക്കാം.ഉലുവ, കറ്റാര്‍ വാഴ, വെളിച്ചെണ്ണ, വെളുത്തുള്ളി എന്നിവയാണ് ഇതില്‍ ഉപയോഗിയ്ക്കുന്ന മറ്റുള്ളവ. ഉലുവ മുടിയ്ക്കു നല്ലൊരു മരുന്നാണ്. ഈസ്ട്രജന്‍ സമ്പുഷ്ടമാണ് ഇത്. താരനും മുടി വളര്‍ച്ചയ്ക്കും മുടി തിളങ്ങാനുമെല്ലാം ഇതേറെ നല്ലതാണ്.എന്നാല്‍ ഇതിന്റെ ഗന്ധം പലര്‍ക്കു പിടിയ്ക്കില്ല.
കഞ്ഞിവെള്ളത്തില്‍ ഉലുവ ഇടുമ്പോള്‍ കുതിരും. ഈ കൂട്ടും വെളുത്തുള്ളിയും ഇതിലേയ്ക്ക ഒരു തണ്ടു കറ്റാര്‍ വാഴ അരിഞ്ഞതും അല്‍പം വെളിച്ചെണ്ണയും ചേര്‍ത്ത് അരച്ചെടുക്കാം. കഞ്ഞിവെള്ളം എടുക്കുക. ഇതില്‍ ഉലുവ ഇട്ടു വയ്ക്കുക. വെളുത്തള്ളിയും ഒന്നോ രണ്ടോ തലേന്നു രാത്രി ഇട്ടു വയ്ക്കാം. ഇല്ലെങ്കില്‍ ഈ മിശ്രിതം ഉണ്ടാക്കുന്ന സമയത്ത് ഇട്ടു വച്ചാല്‍ മതിയാകും. നേരത്തെ ഇട്ടു വയ്ക്കുന്നതാണ് കൂടുതല്‍ നല്ലത്.
ഇത്, ശിരോചർമ്മത്തിൽ കേടുപാടുകൾ വരുത്തുന്നതിനും മുടിയുടെ വളർച്ചയെ തടസ്സപ്പെടുത്തുന്നതിനും കാരണമാകുന്ന അണുക്കളെയും ബാക്ടീരിയകളെയും നശിപ്പിക്കുവാൻ സഹായിക്കുന്നു. പേന്‍ പോലുള്ള പ്രശ്‌നങ്ങള്‍ക്കും ഇതു നല്ലൊരു മരുന്നാണ്. മുടിയില്‍ പുരട്ടുന്ന ഹെയര്‍ പായ്ക്കുകളിലും വെളുത്തുള്ളി ഉപയോഗിയ്ക്കാം. ഈ കൂട്ടില്‍ വെളുത്തുള്ളി പ്രധാന ചേരുവയാണ്.മുടി വളരാനും മുടി കൊഴിച്ചിലിനും മാത്രമല്ല, താരന്‍ പോലുളള പ്രശ്‌നങ്ങള്‍ക്കും അലര്‍ജി പ്രശ്‌നങ്ങള്‍ക്കുമെല്ലാം വെളുത്തുള്ളി നല്ലൊരു മരുന്നാണ്.
വെളുത്തുള്ളിയിൽ ആന്റി മൈക്രോബിയല്‍ ഗുണങ്ങളുണ്ട്. ചില പ്രത്യേക കൂട്ടുകള്‍ പ്രത്യേക രീതിയില്‍ കൂട്ടിച്ചേര്‍ത്താന്‍ കറ്റാര്‍വാഴ മുടി നല്ലതുപോലെ വളരാന്‍ സഹായിക്കുകയും ചെയ്യും. കറ്റാര്‍ വാഴയും മുടിയ്ക്കു നല്ലൊരു മരുന്നാണ്. വൈറ്റമിന്‍ ഇ സമ്പുഷ്ടമായ പ്രകൃതിദത്ത ചേരുവകളില്‍ പ്രധാനപ്പെട്ടതാണ് കറ്റാര്‍ വാഴ. മുടിയ്ക്കും സൗന്ദര്യത്തിനുമെല്ലാം ഒരുപോലെ സഹായകമാണ് ഈ പ്രത്യേക ചെടി. വൈറ്റമിനുകളുടെ ഉറവിടമായ ഇത് മുടി വളരാന്‍ മാത്രമല്ല, മുടിയ്ക്കു തിളക്കം നല്‍കാനും മൃദുത്വം നല്‍കാനുമെല്ലാം ഏറെ സഹായിക്കുന്നു.
