అయితే.. పెళ్లి సంబంధం మాట్లాడుకోవడం.. పెళ్లి చేసుకోవడం, ఆ తర్వాత మోసం చేసి పారిపోవడం అంతా ఒక్కదాని వల్ల సాధ్యం కాదు కాబట్టి.. దీని కోసం ఓ ముఠానే రెడీ చేసుకుందీ భామ. ఆమె గ్రూపులో ఓ మ్యారేజ్ ఏజెంట్, నలుగురు పురుషులు, ముగ్గురు మహిళలు.. ఇలా ఓ ముఠానే మెయింటైన్ చేస్తూ మోసాలు చేస్తున్న యువతి చివరకు పోలీసులకు చిక్కింది.
ఇంతకీ ఈ ముఠా ఎలా పని చేసేదంటే.. పెళ్లికాని యువకులను, విడాకులు తీసుకుని మరో పెళ్లి చేసుకోవాలనుకునే వారిని ఈ మాయలాడి టార్గెట్ చేసుకునేది. దీనికోసం సోషల్ మిడియాను, పెళ్లిళ్ల వెబ్ సైట్లను వాడుకునేది. అలాంటి వారిపై వలపు వల విసిరేది. మెల్లగా పెళ్లి చేసుకుందామని మాయ చేసేది. పెళ్లి సింపుల్‌గా కానిచ్చిన తర్వతా మొదటి రాత్రే భర్తకు మత్తుమందు మాత్రలు ఇచ్చేసేది. ఆ రాత్రే అందుబాటులో ఉన్న డబ్బు, నగలతో ఉడాయించేది.
ఇలా గత మూడు నెలల్లోనే ఈ ముఠా ఏడుగురిని లూఠీ చేసిందట. నాలుగో భర్తకు వచ్చిన అనుమానంతో ఈ వ్యవహారం గుట్టు రట్టయింది. నాలుగో భర్త మేలుకుని ఆలోచించి ఫిర్యాదు చేసేలోపే మరో మూడు పెళ్లిళ్లు చేసుకుందంటే.. ఈ అమ్మడి స్పీడ్‌ ఏ రేంజ్ లో ఉందో చూడండి. నాలుగో భర్త, ఏడో భర్త ఇచ్చిన ఫిర్యాదుతో ఆ మాయలేడీని, ఆమె ముఠాను పోలీసులు అరెస్టు చేశారు. ఇంకా ఎంత మందిని ఇలా మోసం చేసిందో మొత్తం కూపీ లాగుతున్నారు.
