మఖానా లేదా ఫాక్స్ నట్స్ అనేవి మంచి పోషకాలతో కూడిన ఆహారం. ఇది మన శరీరానికి శక్తిని అందించడానికి ఆరోగ్యకరమైన ఎంపిక. మఖానా లేదా ఫాక్స్నట్లు బాదం, వాల్నట్లు ఇతర గింజల వలె కాకపోయినప్పటికీ అవి చాలా ఆరోగ్యకరమైనవేనని చెప్పవచ్చు.వీటిలో ప్రొటీన్, ఫైబర్ , అధిక మొత్తంలో మెగ్నీషియం, పొటాషియం, ఫాస్పరస్, కాల్షియం , ఐరన్ ఎక్కువగా ఉంటాయి.చాలా మంది కూడా ఉపవాస సమయంలో మఖానా ఖీర్ను కూడా తయారు చేస్తారు.ఎందుకంటే ఇది ఫలహారంగా శరీరానికి ఇంధనం అందించడానికి అవసరమైన మంచి పోషకాలను కలిగి ఉంటుంది. మఖానా లేదా ఫాక్స్ గింజలు చర్మ ఆరోగ్యానికి ఇంకా అలాగే జీర్ణక్రియకు చాలా అద్భుతమైనవి. ఇంట్లో డయాబెటిక్ తో బాధపడుతున్నవారు ఉంటే వారికి రెండవ ఆలోచన లేకుండా వేపిన మఖానా ను తీసుకోవచ్చు. ఇది రక్తంలో చక్కెర స్థాయిని నియంత్రించడంలో బాగా సహాయపడుతుంది. అలాగే కండుపు నిండిన సంతృప్తిని అందిస్తుంది. అలాగే మిమ్మల్ని ఎక్కువసేపు ఆకలి లేకుండా ఉంచుతుంది.
ఈ మఖానాని శతాబ్దాలుగా చిరుతిండిగా ఉపయోగిస్తున్నారు.ఇది ఎన్నో ఆరోగ్య ప్రయోజనాలను కలిగి ఉన్నాయి. మఖానాలో ప్రోటీన్ ఇంకా ఫైబర్ చాలా పుష్కలంగా ఉంటుంది.ఇంకా అలాగే తక్కువ కొవ్వు ఉంటుంది. ఒక 100 గ్రాముల మఖానా సుమారు 347 కేలరీల శక్తిని ఇస్తుంది. మఖానా అనేది కాల్షియం మంచి మూలం.ఇందులో మెగ్నీషియం, పొటాషియం ఇంకా ఫాస్పరస్ మంచి మొత్తంలో ఉంటాయి అని న్యూట్రిషనిస్ట్లు చెబుతున్నారు.ఈ ఫాక్స్ నట్స్లో యాంటీఆక్సిడెంట్లు పుష్కలంగా ఉంటాయి. ఇక అవి యాంటీ ఏజింగ్కు గొప్పగా తోడ్పడతాయి. వీటిని క్రమం తప్పకుండా తీసుకోవడం వల్ల మీ చర్మం చాలా యవ్వనంగా కనిపిస్తుంది.అలాగే మీ చర్మానికి మెరుపును కూడా సంతరించుకుంటుంది.మంచి జీర్ణక్రియ కోసం, మన శరీరానికి ఫైబర్ అనేది చాలా అవసరం. మఖానాలో ఫైబర్ చాలా ఎక్కువగా ఉంటుంది, ఇది జీర్ణవ్యవస్థ సక్రమంగా పనిచేయడానికి బాగా సహాయపడుతుంది. మలబద్ధకం లేదా గట్టి మలం వంటి జీర్ణ సమస్యలు కనుక ఉంటే ఖచ్చితంగా ఆహారంలో ఫాక్స్నట్లను తీసుకోండి.
మరింత సమాచారం తెలుసుకోండి:
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి