ఆ తరువాత నుండి పలు సినిమాలతో వరుసగా మ్యూజికల్ హిట్స్ ఇస్తూ కొనసాగిన థమన్ గత ఏడాది త్రివిక్రమ్ దర్శకత్వంలో అల్లు అర్జున్ హీరోగా రూపొందిన అలవైకుంఠపురములో సాంగ్స్ తో అతి పెద్ద విజయాన్ని సొంతం చేసుకున్నారు. ఆ సాంగ్స్ యూట్యూబ్ లో వందల మిలియన్స్ వ్యూస్ అందుకోవడంతో పాటు కెరీర్ పరంగా థమన్ కి ఆకాశమంత పేరు తెచ్చిపెట్టాయి. దానితో ప్రస్తుతం థమన్ కు ఒకదాని వెంట మరొకటి ఛాన్స్ లు క్యూ కట్టాయి. అసలు విషయం ఏమిటంటే ప్రస్తుతం తన చేతిలో ఉన్న సినిమాల గురించి ఇటీవల ఒక ప్రముఖ తెలుగు న్యూస్ ఛానల్ కి ఇచ్చిన ప్రత్యేక వీడియో ఇంటర్వ్యూ లో భాగంగా థమన్ మాట్లాడుతూ, చాలా మంది స్టార్ హీరోలతో పాటు కొందరు యువ హీరోల సినిమాలు కూడా ప్రస్తుతం తాను చేస్తున్నానని అన్నారు.
ముందుగా మహేష్ నటిస్తున్న సర్కారు వారి పాట తోపాటు త్వరలో మహేష్, త్రివిక్రమ్ తో చేయనున్న మూవీలో కూడా సాంగ్స్ ఎంతో అద్భుతంగా ఉంటాయని చెప్పిన థమన్, అలానే పవర్ స్టార్ తో కూడా వరుసగా రెండవ సినిమాగా అయ్యప్పనుం కోషియం తెలుగు రీమేక్ కి మ్యూజిక్ అందిస్తుండడం ఎంతో ఆనందంగా ఉందని, ఆ మూవీలో సాంగ్స్ కూడా అదిరిపోతాయని అన్నారు. ఇక బాలయ్య, బోయపాటిల అఖండ మ్యూజిక్ ఎంతో డిఫరెంట్ గా ఉండడంతో పాటు అందరినీ ఆకట్టుకుంటుందని, నానితో చేస్తున్న టక్ జగదీశ్ తో పాటు ముఖ్యంగా తన కెరీర్లో ఎప్పుడెప్పుడా అని ఎదురుచూస్తున్న మెగాస్టార్ తో త్వరలో ప్రారంభం కానున్న లూసిఫర్ తెలుగు రీమేక్ సినిమాలకు కూడా మ్యూజిక్ అదరగొడుతున్నట్లు థమన్ చెప్పారు.
ఇప్పటికే టక్ జగదీశ్ నుండి విడుదలైన సాంగ్స్ శ్రోతలను ఆకట్టుకున్నాయి. వీటితో పాటు మరికొన్ని సినిమాలు కూడా లైన్లో ఉన్నాయని, తన కెరీర్ ప్రస్తుతం పీక్స్ లో ఉందని, తప్పకుండా ఈ సినిమాలు అన్నివిజయాలు అందుకుని తనకు మంచి పేరు తెస్తాయని ఆశిస్తున్నట్లు థమన్ చెప్పారు. అయితే ఇంతవరకు బాగానే ఉన్నా, అన్న నువ్వు అన్ని సినిమాల సాంగ్స్ అవుట్ ఫుట్ అదిరిపోతాయి అని చెప్తున్నావు, ఇంతకీ వీటిలో ఏ మూవీ సాంగ్స్ ఇరగదీసావు అనేది తెలియాలంటే ఆయా సినిమాల పాటలు విడుదలైన తరువాతే చెప్పగలం అని, అయితే పక్కాగా నీ మీద టాలీవుడ్ ఫ్యాన్స్ అందరికీ ఎంతో నమ్మకం ఉంది, అన్ని సినిమాల సాంగ్స్ అద్భుతంగా ఉండాలని కోరుతూ పలువురు సినీ ప్రేక్షకులు తమ సోషల్ మీడియా అకౌంట్స్ ద్వారా థమన్ ని ఉద్దేశించి కామెంట్స్ చేస్తున్నారు ..... !!
