కెరియర్ మొదట్లో తను తమిళ సినిమాలు చేసేవాడట. అక్కడే తనకు భానుచందర్ తో స్నేహం ఏర్పడిందని తెలియజేశారు. తెలుగు ఇండస్ట్రీలో తను హీరోగా రాణిస్తాను అని చెప్పి ఇక్కడికి తీసుకు వచ్చింది భానుచందర్ అని తెలియజేశారు సుమన్. కానీ తనకి అప్పుడు తెలుగు సరిగ్గా మాట్లాడడం వచ్చేది కాదని.. అయినా కూడా అవకాశాలు వస్తూ ఉండటంతో వాటిని సద్వినియోగం చేసుకుంటూ తన కెరియర్ ను ముందుకు తీసుకెళ్లానని తెలియజేశారు. ఇక తెలుగులో మొదటి సారి కోడి రామకృష్ణ దర్శకత్వంలో వచ్చిన తరంగిణి సినిమా ద్వారా ఫస్ట్ సక్సెస్ వచ్చింది ఆ తర్వాత 100 సినిమాలు తెలుగులోనే పూర్తి చేశాను..
ఇక తెలుగు, మలయాళం ,కన్నడ ,హిందీ, తమిళ్, ఒరియా, భోజ్ పురి, మరాఠీ మొదలైన 10 భాషలలో సుమారుగా 600 వందలకు సినిమాలకు పైగా పని చేసి 44 సంవత్సరాల సినీ కెరీర్లో ఎన్నో పాత్రలను పోషిస్తూ ముందుకు వెళ్లాను. శోభన్ బాబు తర్వాత ఇద్దరు హీరోయిన్లతో చేసిన హీరోగా.. యాక్షన్ సినిమాలతో మాస్ హీరోగా నాకు మంచి పేరు కూడా లభించింది. ఎలాంటి సినిమా నేపథ్యం లేని కుటుంబం నుంచి వచ్చిన నేను ఎన్ని సంవత్సరాల పాటు ఇండస్ట్రీలో నిలబడటం అంటే నిజంగా నా అదృష్టం గా భావిస్తున్నాను. నా క్రమశిక్షణ, నా బిహేవియర్, ఫ్లాపులతో సంబంధం లేకుండా నేను చేసే కృషి , పట్టుదల ఈరోజు నేను ఇండస్ట్రీలో నిలబడడానికి కారణం అని నమ్ముతాను అంటూ సుమన్ చెప్పుకొచ్చారు
