టాలీవుడ్ డేర్ అండ్ డాషింగ్ డైరెక్టర్ పూరి జగన్నాథ్ డైరెక్షన్ లో సెన్సేషనల్ స్టార్ రౌడీ హీరో విజయ్ దేవరకొండ ప్రస్తుతం 'లైగర్' సినిమా చేస్తున్నాడు.ఇక ఈ సినిమా ఆగస్టు 25 వ తేదీన ప్రపంచ వ్యాప్తంగా విడుదల కానుంది. అందుకే సినిమా ప్రమోషన్స్ స్టార్ట్ చేశారు. ఈ క్రమంలో రేపు ఈ సినిమా ట్రైలర్ ను రిలీజ్ చేయనున్నారు. కాగా ఈ సినిమా ట్రైలర్ రేపు అనగా జులై 21, 2022న విడుదల కానుంది. హైదరాబాద్ లోని ఆర్టీసి క్రాస్ రోడ్స్‌లోని సుదర్శన్ థియేటర్‌లో ఉదయం 9:30 గంటలకు తెలుగు ఈ ట్రైలర్ లాంచ్ ఈవెంట్ జరగనుంది.ఇంకా అలాగే జూలై 21, 2022న ముంబైలోని అంధేరిలోని సినీపోలిస్‌లో రాత్రి 7:30 గంటలకు ముంబై ఈవెంట్ అనేది జరగనుంది. ఇక ఈ సినిమా నుంచి రీసెంట్ గా రిలీజ్ అయిన పోస్టర్‌ కూడా ఇంటర్నెట్ లో బాగా వైరల్ అయ్యింది. ఈ పోస్టర్‌లో విజయ్ దేవరకొండ అయితే డ్రెస్ లేకుండా పికే సినిమాలో అమీర్ ఖాన్ స్టైల్ లో దర్శనం ఇచ్చాడు. ఈ పోస్టర్‌లో విజయ్ దేవరకొండ న్యూడ్‌గా కనిపించడమే.. మెయిన్ హైలైట్ అనుకుంటే ఇంకా అలాగే గులాబీలను అడ్డు పెట్టుకుని కనిపించడం మరో హైలైట్.


ఈ సినిమా అవుట్ ఫుట్ కూడా చాలా బాగా వచ్చిందని తెలుస్తోంది. రౌడీ విజయ్ దేవరకొండ తన కెరీర్ లో కీలకమైన రెండేళ్ళ సమయాన్ని పూర్తిగా 'లైగర్' సినిమాకే కేటాయించాడు. పూరి జగన్నాథ్ కూడా ఒక సినిమా కోసం ఈ స్థాయిలో ఎప్పుడూ సమయాన్ని కేటాయించలేదు.అందుకే విజయ్ దేవరకొండ కూడా ఈ సినిమాపై చాలా హోప్స్ పెట్టుకున్నాడు.కాగా విజయ్ దేవరకొండకి ఈ సినిమా చాలా బాగా నచ్చిందట. సినిమా చాలా అద్భుతంగా వచ్చిందని, కచ్చితంగా పాన్ ఇండియా రేంజ్ లో సినిమా మంచి సూపర్ హిట్ అవుతుందని విజయ్ ధీమాగా ఉన్నాడు. ఇక అన్నిటికీ మించి దిగ్గజ బాక్సర్ మైక్ టైసన్ కూడా ఈ సినిమాలో ప్రధాన పాత్రలో నటిస్తున్నాడు. పైగా బాలీవుడ్ అగ్ర నిర్మాత కరణ్ జోహార్, ఛార్మి ఇంకా అలాగే పూరి జగన్నాథ్ సంయుక్తంగా ఈ చిత్రాన్ని నిర్మిస్తున్నారు. అందుకే హిందీలో కూడా లైగర్ సినిమాపై ఎన్నో భారీ అంచనాలు అనేవి ఉన్నాయి.

మరింత సమాచారం తెలుసుకోండి:

SOCIAL STARS

Purushottham Vinay

20/07/2022 12:47 PM