ధమాకా, వాల్తేరు వీరయ్య వంటి బ్యాక్ టు బ్యాక్ హిట్స్ తో మంచి జోష్ మీదున్న మాస్ మహారాజ రవితేజ ఇప్పుడు 'రావణాసుర' అనే సినిమాతో ప్రేక్షకుల ముందుకు రాబోతున్నాడు. స్వామి రారా ఫేమ్ సుధీర్ వర్మ దర్శకత్వం వహించిన ఈ సినిమా ఏప్రిల్ 7న థియేటర్స్ లో విడుదల కానుంది. ఇప్పటికే విడుదలైన ట్రైలర్, సాంగ్స్ కి భారీ రెస్పాన్స్ వచ్చింది. ఇక రావణాసురులో రవితేజ నెగిటివ్ షేడ్స్ కలిగిన పాత్రలో కూడా కనిపించబోతున్నట్లు ట్రైలర్ చూస్తే అర్థమవుతుంది. అంతేకాదు ఈ సినిమాలో పది తలల రావణాసురుడికి ఆలోచనలు రవితేజ పాత్రలో ఉంటాయట. అయితే తాజాగా ఈ సినిమా రీమేక్ మూవీ అని వార్తలు వైరల్ అవుతున్నాయి. 

ఈ సినిమా కథ అప్పట్లో మణిరత్నం దర్శకత్వంలో విక్రమ్, పృథ్వీరాజ్ నటించిన రావణ్ సినిమా ఛాయలు కనిపిస్తున్నాయని చెబుతున్నారు. ఇదే విషయాన్ని తాజాగా దర్శకుడు సుధీర్ వర్మను అడిగితే.. ఇది రీమేక్ సినిమా కాదు అంటూ.. ఆ సినిమా వేరు అంటూ మణిరత్నం కథ రామాయణం కథ. కానీ ఈ రావణాసుర రామాయణం కు ఎలాంటి సంబంధం లేదని అన్నారు. అయితే బెంగాల్ భాషలోని ఓ సినిమాకు రీమేక్ గా రావణాసుర సినిమాను తీశారని వార్తలు ప్రచారం అవుతున్నాయని సుధీర్ వర్మను అడిగితే.. ఆ సినిమా నేను చూడలేదు. చూస్తే మీకే తెలుస్తుంది. అది చూడాలంటే ఏప్రిల్ ఏడో తేదీ వరకు ఆగాల్సిందే' అంటూ చెప్పుకొచ్చారు.

ఒకవేళ మీరు సినిమా చూశాక రీమేక్ సినిమా అని తెలితే 8వ తేదీ ఈ సినిమాపై పూర్తి చర్చలో పాల్గొందామని దర్శకుడు సుధీర్ వర్మ ఓ ఇంటర్వ్యూలో పేర్కొన్నారు. మరి రవితేజ నటించిన రావణాసుర మూవీ బెంగాల్ సినిమాకు రీమేకా? కాదా? అని తెలియాలంటే ఏప్రిల్ 7 వరకు వేచి చూడాల్సింది. అభిషేక్ పిక్చర్స్,  RT టీం వర్క్స్ బ్యానర్స్ పై అభిషేక్, రవితేజ సంయుక్తంగా ఈ సినిమా నిర్మించారు. హర్షవర్ధన్ సంగీతం అందించిన ఈ సినిమాలో రవితేజ సరసన మెగా ఆకాష్, అను ఇమ్మానియేల్, దక్ష నగర్కర్, ఫారియా అబ్దుల్లా, పూజిత పొన్నాడ హీరోయిన్స్ గా నటించారు. అలాగే హీరో సుశాంత్ మరో కీలక పాత్రలో కనిపించనున్నాడు. ఇక ఈ సినిమాతో రవితేజ తన హిట్ ట్రాక్ ని కంటిన్యూ చేస్తాడేమో చూడాలి...!!

మరింత సమాచారం తెలుసుకోండి:

Ravanasura

Anilkumar

04/04/2023 06:30 PM