అక్కడి నుండి వరుసగా బాలీవుడ్ సినిమాలు చేస్తూ అంతకంతకు మరింత క్రేజ్ ను పెంచుకుంటూ కొనసాగుతున్న శ్రద్ధ, తనకు సాహో లో అవకాశం రావడంతో తప్పకుండా ఆ సినిమా ద్వారా తనకు సౌత్ లో మంచి క్రేజ్ లభిస్తుందని ఆశించారు. అయితే ఓవరాల్ గా ఆ సినిమా యావరేజ్ విజయాన్ని అందుకోవడంతో ఆపై ఆమె సౌత్ సినిమా ఒక్కటి కూడా చేయలేదు. ఇటీవల కొందరు సౌత్ సినిమాల దర్శకులు ఆమెను కలిసి తమ సినిమాలో యాక్ట్ చేయాలని కోరినప్పటికీ కూడా ఆమె వాటిని అంగీకరించలేదని అనేటువంటి వార్త ఒకటి కొద్ది రోజులుగా పలు మీడియా మాధ్యమాల్లో ప్రచారం అవుతోంది.
వాస్తవానికి తాను భావించిన విధంగా సాహో సక్సెస్ కాకపోవటమే ఆమె ఇప్పటి వరకు మరొక సౌత్ సినిమా ఎంచుకోక పోవడమే కారణమని అంటున్నారు. ఇక కొద్ది రోజుల నుండి ప్రచారం అవుతున్న మరొక వార్త ప్రకారం అతి త్వరలో ప్రభాస్ హీరోగా బాలీవుడ్ దర్శకుడు ఓం రౌత్ దర్శకత్వంలో తెరకెక్కనున్న భారీ హిస్టారికల్ సినిమా ఆదిపురుష్ లో రాముడి పాత్ర పోషించనున్న ప్రభాస్ కు జోడీగా సీత పాత్ర లో ఆమె నటించనుందని అంటున్నారు. కాగా దీనికి సంబంధించి అధికారికంగా ప్రకటన కూడా రానుందని వార్త ప్రచారం అవుతోంది. మరి ఇవన్నీ పక్కన పెడితే రాబోయే రోజుల్లో అయినా శ్రద్ధ మరొకసారి సౌత్ వైపు చూస్తారా ఇక్కడ ఏదైనా ఒక సినిమాలో అవకాశం వస్తే చేస్తారా లేదా అనేది తెలియాలి అంటే దానికి కాలమే సమాధానం చెప్పాలి అని అంటున్నారు విశ్లేషకులు.....!!