ఉత్తరాది సినీ ప్రేక్షకులకు ప్రియతమ స్టార్ గా మారిన తెలుగింటి యంగ్ అండ్ డైనమిక్ హీరో రామ్ పోతినేని. తన డబ్బింగ్ సినిమాలతో హిందీ ప్రేక్షకుల ఆదరాభిమానాలను దక్కించుకుంటూ వంద మిలియన్స్ కు పైగా వ్యూస్ దక్కించుకుంటూ దూసుకుపోతున్నాడు ఈ కుర్ర రాకెట్. కాగా ఈమద్య కాలంలో తెలుగు సినిమాలను హిందీలో డబ్బింగ్ చేయడం సదా మామూలైపోయింది. అందులోనూ ఆ డబ్బింగ్ సినిమాలు భారీ వ్యూస్ ను దక్కించుకుని తెలుగు నటీనటుల ఖ్యాతిని పెంచుతున్నాయి. ఇటీవల వీటిపై వార్తలు కూడా చాలానే వచ్చాయి. వందల కొద్ది మిలియన్ వ్యూస్ ను రాబడుతున్న తెలుగు డబ్బింగ్ సినిమాలు అక్కడ సరికొత్త రికార్డును సృష్టిస్తున్నాయి.

 తెలుగు ఫిల్మ్ మేకింగ్ స్థాయిని అమాంతం పెంచి దేశం నలుమూలలకు విస్తరింపజేశాడు మహా దర్శకుడు రాజమౌళి. నిజానికి  ఇది కూడా  ఉత్తరాది ప్రేక్షకులకు  తెలుగు సినిమాలపై  మక్కువ ఏర్పడడానికి ఒక కారణమని చెప్పొచ్చు... అందుకే ఉత్తరాది సినీ ప్రేక్షకులకు తెలుగు నుండి వచ్చిన సినిమా అనగానే అంచనాలు భారీగా ఉంటాయి. పలువురు యంగ్ హీరోలు అక్కడ బడా హీరోలుగా మారారు. ఇక రామ్ విషయానికి వస్తే..... ఈ హీరో నటించిన గణేష్ సినిమా ఇక్కడ తెలుగులో ఎంతగా నిరాశ పరిచినదో అందరికీ తెలిసిందే. కానీ అక్కడ హిందీ వర్షన్ లో వంద మిలియన్ లకు పైగా వ్యూస్ ను సంపాదించింది. దాంతో అక్కడ హీరో రామ్ క్రేజ్ అమాంతం పెరిగిపోయింది. గణేష్ సినిమా మాత్రమే కాదు .... రామ్ నటించిన మరో ఆరు తెలుగు సినిమాలను హిందీలో డబ్ చేశారు.

ఇంకా పలువురు తెలుగు సినీ హీరోలు వారి వారి చిత్రాలను  హిందీ వర్షన్ లతో వందల మిలియన్ ల వ్యూస్ ను దక్కించుకున్నారు. కాని కేవలం ఆరు సినిమాలతో వంద మిలియన్ లకు మించి వ్యూస్ ను దక్కించుకున్న ఘనత మాత్రం రామ్ కి సొంతమైంది. ఇప్పటి వరకు ఏ హీరోకు ఈ రేంజ్ లో ఉత్తరాదిన వ్యూస్ రాలేదు. ఉత్తరాదిన ఆరు వంద మిలియన్ లు  మించి వ్యూస్ దక్కించుకున్న సినిమాలు ఉన్న హీరోగా రామ్ అరుదైన ఫీట్ ను దక్కించుకున్నాడు.. అలా హీరో రామ్ ఉత్తరాది ప్రేక్షకుల ప్లే స్టార్ గా మారిపోయారు.