ఏమాత్రం అంచనాలు లేకుండానే రూపొందినప్పటికీ.. ఇటీవల వచ్చిన ట్రైలర్తో సినిమాపై ఆసక్తి నెలకొంది. దీంతో మార్కెట్ కూడా బాగానే జరిగింది.సంక్రాంతి పండుగ సమయంలో తెలుగు సినిమాలకు విశేషమైన స్పందన ఉంటుంది. అయితే, ఈ సారి మన చిత్రాలను కాదని.. తమిళ పరిశ్రమకు చెందిన 'మాస్టర్'కు ఎక్కువ థియేటర్లు దొరికాయి. దీంతో బెల్లంకొండ సినిమా చాలా తక్కువ ప్రాంతాల్లోనే విడుదల అవుతోంది. అయినప్పటికీ.. ప్రపంచ వ్యాప్తంగా థియేటర్లు కలకళలాడుతూ 'అల్లుడు అదుర్స్' సందడి కనిపిస్తోంది.ఇప్పటికే ఓవర్సీస్లో 'అల్లుడు అదుర్స్' ప్రీమియర్ షోలు ప్రదర్శితమవగా.. తెలుగు రాష్ట్రాల్లోనూ కొన్ని ప్రాంతాల్లో షోలు పడ్డాయి. సినిమాను చూసిన ప్రేక్షకుల తీర్పు ప్రకారం.. ఫస్టాఫ్ మొత్తం కామెడీతో సాగుతుందని.. ఈ సీన్స్ అన్నీ ప్రేక్షకులను ఆకట్టుకుంటాయని చెబుతున్నారు.
అలాగే, సెకాండాఫ్ మాత్రం కొన్ని ఎమోషనల్ సీన్స్తో సెంటిమెంటల్గా ఉంటుందని చెబుతున్నారు.అల్లుడు అదుర్స్' సినిమా ప్యూర్ ఫ్యామిలీ ఎంటర్టైనర్ అని చెప్పుకోవచ్చు. బలమైన ఎమోషన్ సీన్స్ను పండించడంలో హీరో సక్సెస్ అయ్యాడని, గత సినిమాలతో పోలిస్తే ఇందులో మరింత మెచ్యూర్డ్గా నటించాడని అంటున్నారు. ఇక, మిగిలిన వారు కూడా ఆకట్టుకునే ప్రదర్శన చేశారని చెబుతున్నారు. మొత్తంగా ఫ్యామిలీ మొత్తం చూసే ఎంటర్టైనర్ అని అభిప్రాయపడుతున్నారు.అల్లుడు అదుర్స్' చూసిన వారందరూ రొటీన్ స్టోరీ అని అంటున్నారు. గతంలో ఇదే కథతో చాలా సినిమాలే వచ్చినప్పటికీ.. ఇందులో కామెడీని జోడించడంతో ఆకట్టుకుంటుందని అంటున్నారు. దర్శకుడు కథనంపై మరింత శ్రద్ధ చూపాల్సిందని చెబుతున్నారు...!!