ఇక ఈ మూవీపై మన దేశంతో పాటు విదేశాల్లోని ఆడియన్స్ లో కూడా భారీ అంచనాలు ఉన్నాయి. దాదాపుగా రు. 500 కోట్ల రూపాయల భారీ వ్యయంతో యాక్షన్ తో కూడిన కమర్షియల్ ఎంటర్టైనర్ గా దర్శకుడు రాజమౌళి ఈ సినిమాను తెరకెక్కిస్తున్నట్లు సమాచారం. ఈ మూవీని అక్టోబర్ 13న విడుదల చేయనున్నారు. ఇక అసలు విషయం ఏమిటంటే మరొక మూడు రోజుల్లో అనగా ఈనెల 20న యంగ్ టైగర్ ఎన్టీఆర్ బర్త్ ఉండటంతో ఆయన అభిమానులు ఐదురోజుల ముందు నుండే సోషల్ మీడియా మాధ్యమాల ద్వారా ఆయనకు ముందస్తుగా జన్మదిన శుభాకాంక్షలు తెలియజేస్తూ ఆయన పేరుతో పలు ట్రెండ్స్ సెట్ చేస్తూ వైరల్ చేస్తున్నారు.
అలానే ఎన్టీఆర్ బర్త్ డే ని పురస్కరించుకుని యూట్యూబ్ లో 3డి మోషన్ పోస్టర్ విడుదల చేసారు. ఇక ఆయన బర్త్ డే రోజున ఆర్.ఆర్.ఆర్ లోని కొమరం భీం ఫస్ట్ లుక్ పోస్టర్ తో పాటు తదుపరి ఎన్టీఆర్, కొరటాల కాంబోలో తెరకెక్కనున్న మూవీ యొక్క టైటిల్ ఫస్ట్ లుక్ పోస్టర్ కూడా రానున్నట్లు సమాచారం. మరి మరొక మూడు రోజుల్లో రానున్న ఎన్టీఆర్ బర్త్ డే రోజున ఆయన అభిమానులు ఇంకెంత సందడి చేస్తారో చూడాలి..... !!