ఇక గత కొన్నాళ్ల నుంచి నాని కి సరైన విజయం లేదు అని చెప్పడంలో అతిశయోక్తి లేదు. అయితే నాచురల్ స్టార్ నాని గతంలో కృష్ణార్జున యుద్ధం పేరుతో రొటీన్గా కాకుండా కాస్త భిన్నంగా ట్రై చేసాడు. కెరియర్లోనే మొదటిసారి డబుల్ రోల్ లో నటించాడు. ఇక ఈ సినిమా పై ఎన్నో అంచనాలు కూడా నెలకొన్నాయి కానీ విడుదలైన తర్వాత ఈ సినిమా అంచనాలను అందుకోలేక బొక్క బోర్లా పడి పోయింది. నాని కెరియర్లోనే డిజాస్టర్గా మిగిలిపోయింది కృష్ణార్జున యుద్ధం సినిమా. దీంతో అప్పటి నుంచి నాని లో భయం పట్టుకున్నట్లు తెలుస్తోంది.
ఈ క్రమంలోనే ఇలాంటి విభిన్నమైన సినిమాల జోలికి మళ్లీ పోవద్దు అని నాని అనుకుంటున్నాడట. ఇటీవలే వివి వినాయక్ లాంటి ఒక స్టార్ దర్శకుడు ఒక మంచి కథను నాని కి వినిపించాడట. అయితే కథ బాగా ఉన్నప్పటికీ స్టోరీ రొటీన్ కి భిన్నంగా ఉండటంతో ఇక నాని కృష్ణార్జున యుద్ధం టైం ని గుర్తు చేసుకొని స్మూత్ గా కథకి నో చెప్పాడట. ఇక ఈ సినిమా చేసేందుకు అటు నిర్మాతలు సైతం సిద్ధం అయినప్పటికీ నాని మాత్రం నో చెప్పినట్లు తెలుస్తోంది. ఏదేమైనా కృష్ణార్జున యుద్ధం ఫ్లాప్ ఎఫెక్ట్ మాత్రం ఇప్పటికీ నాని పై నుండి పోవటం లేదట. దీంతో వైవిధ్యమైన కథల విషయంలో నాని ఇప్పటికీ భయపడుతున్నట్లు తెలుస్తోంది.