సూపర్ డాన్సర్ చాప్టర్ 4 లో  ఒక జడ్జిగా వ్యవహరిస్తున్నటువంటి బాలీవుడ్ అందాల నటి శిల్పాశెట్టి తాజాగా జరిగిన ఈ షో షూటింగ్ లో కనిపించలేదని సమాచారం. ఈమె షూటింగ్ లో పాల్గొనకపోవడానికి కారణం ఇవే అంటూ పలు కథనాలు వినపడుతున్నాయి.  ఆమె ఆల్రెడీ సైన్ చేసిన "హంగామా 2" సినిమా షూటింగ్ ప్రారంభం కావడంతో ఆక్కడ హాజరు కావడం కోసమే ఇక్కడ డాన్స్ షో కి రాలేకపోయారు అని అందుకు తగ్గ వివరణ శిల్పా సూపర్ డాన్సర్ షో చాప్టర్ 4 యాజమాన్యానికి ఇచ్చారని తెలుస్తోంది. మరో వైపు శిల్పా శెట్టి కుంద్రా డాన్స్ షో ను  సడెన్ గా మిస్ చేయడానికి  వేరే బలమైన కారణం ఉందని...అది ఏంటంటే తాజాగా ఆమె భర్త రాజ్ కుంద్రా పోర్నోగ్రఫీ కేసులో అరెస్ట్ అయిన విషయం తెలిసిందే.

అయితే ఈ అంశం కారణం గానే ఆమె షూటింగ్ కి రాలేకపోయింది అని మరొక వార్త వినిపిస్తోంది. ఎప్పటి వరకు ఈమె షోకి రారు. తిరిగి ఎప్పుడు షోకి అటెండ్ అవుతారు అన్న వివరాలపై ప్రస్తుతానికి క్లారిటీ లేదు. ఇపుడు షోలో నటి శిల్పా శెట్టికి బదులుగా కరిష్మా కపూర్ స్పెషల్ గెస్ట్ గా హాజరు కాబోతున్నట్లు ప్రస్తుత సమాచారం. ఈ షోలో శిల్పా శెట్టి తో పాటు అనురాగ్ బసు, గీతా కపూర్ లు కూడా  జడ్జిలు గా వ్యవహరిస్తున్న విషయం తెలిసిందే. కాగా శిల్ప తప్ప మిగిలిన ఇద్దరు జడ్జిలు యధావిధిగా షోలో కనిపించి సందడి చేయనున్నారు. అయితే తమ అభిమాన తార శిల్పా శెట్టి ని షోలో బాగా మిస్ అవుతామని, ఆమె లేని లోటు స్పష్టంగా కనబడుతుంది అని చింతిస్తున్నారు ఆమె అభిమానులు. భర్తకు జరిగిన విషయాన్ని జీర్ణించుకోలేక తీవ్ర ఒత్తిడిలో ఉన్నట్లు తెలుస్తోంది. దీని కారణంగానే తన వృత్తిపై కూడా దృష్టి పెట్టలేకపోతోందని తెలుస్తోంది.

శిల్పా శెట్టి హిందితో పాటు తెలుగులోనూ నటిగా మంచి పాపులారిటీ సంపాదించుకున్నారు. హీరో విక్టరీ వెంకటేష్ ప్రధాన పాత్రలో తెరకెక్కిన  "సాహస వీరుడు సాగరకన్య" చిత్రంలో హీరోయిన్ గా నటించి తన అద్భుతమైన నటనతో, తన అందచందాలతో ప్రేక్షకులను తన వైపు తిప్పుకుంది. ఈ సినిమా తెలుగులో ఈమెకు  గొప్ప ఫాలోయింగ్ తెచ్చిపెట్టింది. ఈ పొడవు కాళ్ళ సుందరి పేరుకి బాలీవుడ్ నటి అయినప్పటికీ తెలుగు అభిమానుల సంఖ్యను భారీగానే పెంచుకుంది.

మరింత సమాచారం తెలుసుకోండి: