కాగా సుహాస్ హీరోగా తెరకెక్కుతున్న రెండో చిత్రం ‘ఫ్యామిలీడ్రామా’. టైటిల్ చాలా వెరైటీగా ఉంది కదా, కాన్సెప్ట్ ఇంకా కొత్తగా, భిన్నంగా ఉండబోతోందని అంటున్నారు మేకర్స్. సరికొత్త కథనంతో రూపుదిద్దుకుంటున్న ఈ చిత్రానికి మెహెర్ తేజ్ దర్శకుడిగా వ్యవహరిస్తుండగా, తేజ కాసరపుతో కలిసి మెహెర్ తేజ్ సంయుక్తంగా ఈ చిత్రాన్ని నిర్మిస్తున్నారు. థ్రిల్లర్ క్రైమ్ డ్రామాగా ఈ సినిమాని రొటీన్ కి భిన్నంగా కొత్త కోణంలో మన ముందుకు తీసుకురానున్నారు. ఈ సినిమాకి సంబంధించినటువంటి ఫస్ట్లుక్ని మంగళవారం నాడు సోషల్ మీడియా వేదికపై విడుదల చేశారు. ఈ పోస్టర్ లో హీరో సుహాస్ కొత్త లుక్ తో దర్శనమిచ్చి అందర్నీ ఆశ్చర్యపరిచాడు. ఈ ఫస్ట్ లుక్ కి మంచి రెస్పాన్స్ వస్తోంది.
ఈ సినిమా గురించి మరిన్ని అప్డేట్స్ ని త్వరలోనే మీ ముందుకు తీసుకొస్తామని వెల్లడించింది చిత్ర బృందం. ఈ మూవీకి ఛాయాగ్రహణం వెంకట్ ఆర్. శాఖమూరి కాగా అజయ్, సంజయ్ లు సంగీతాన్ని సమకూరుస్తున్నారు. షణ్ముఖ ప్రశాంత్, మెహెర్ లు కలిసి ఈ చిత్రానికి కథ కథనం అందిస్తున్నారు. కలర్ ఫోటో చిత్రంతో తన ప్రతిభకు అద్దం పట్టిన హీరో సుహాస్ ఈ సినిమాలో అంతకు మించిన నటనా కౌశల్యాన్ని ప్రదర్శిస్తారని అభిమానులు ఆకక్షిస్తున్నారు . సుహాస్ కూడా ఈ సినిమా తనకు మరో బ్రేక్ త్రూ అవుతుందన్న నమ్మకాన్ని వ్యక్తం చేస్తున్నారు. మరి రెండో సినిమా కూడా హిట్ అవుతుందా తెలియాల్సి ఉంది.