ఎలాంటి ప్లాన్ ఎంపిక చేసుకున్నారో గాని శంకర్ ముందే దిల్ రాజునుఒప్పించాడు. దిల్ రాజు సినిమా విషయంలో శంకర్ పై గట్టిగానే నమ్మకం పెట్టుకున్నాడు.నిజానికి ఈ కాంబినేషన్ లో సినిమా చాలా కాలం క్రితమే రావాల్సి ఉంది. కానీ సరైన కథ దొరకలేదు. శంకర్ తెలుగు సినిమా చేయడానికి సరైన సమయం రాలేదు.ఇక శంకర్ ఏ సినిమాను తెరకెక్కించిన కూడా తెలుగులో దిల్ రాజు ద్వారానే విడుదల చేయించేవారు. తెలుగులో ప్రొమోషన్స్ కూడా శంకర్ కు బాగా నచ్చేది. అందుకే దిల్ రాజుకు అవకాశం ఇచ్చి రామ్ చరణ్ తో సినిమా చేయడానికి ఒప్పుకున్నాడు.
ఇక ఈ సినిమా విషయంలో శంకర్ ఆలోచనలు కూడా చాలా ఖర్చుతో కూడుకొని ఉన్నాయి. మొదట భారీ బడ్జెట్ తోనే ఇంట్రడక్షన్ సాంగ్ షూటింగ్ మొదలు పెట్టాలని భావిస్తున్నాడట శంకర్. థమన్ ఇప్పటికే ఈ పాటకు మంచి మాస్ ట్యూన్స్ అందించడానికి సిద్ధంగా ఉన్నాడట. ఆ పాట కోసం సుమారు 1.5 కోట్లతో భారీ సెట్ వేసి చిత్రీకరణ ప్రారంభించాలని శంకర్ చూస్తున్నాడట. సుమారు 135మంది మ్యూజిక్ టెక్నీషియన్స్ తో సాంగ్ ను సాంగ్ ను చిత్రికరిస్తున్నట్లు సమాచారం. ఇక ఈ సినిమాకి జానీ మాస్టర్ కొరియోగ్రాఫర్ గా పని చేయనున్నాడు. జానీ మాస్టర్ కొరియోగ్రఫీ లో రూపొందనున్న ఆ పాటను సెప్టెంబర్ రెండవ వారంలో షూటింగ్ చేయనున్నట్లు సమాచారం. ఇక సినిమాను వచ్చే ఏడాది వేసవి లోపు పూర్తి చేస్తానని శంకర్ దిల్ రాజుకు మాట ఇచ్చారట. మరి ఆయన అన్నట్లుగానే పూర్తి చేస్తారో లేదో చూడాలి మరి.
