అప్పట్లో ప్రముఖ స్టార్ హీరోగా గుర్తింపు పొందిన అక్కినేని నాగేశ్వరరావు.. హీరోయిన్ భానుమతి హీరోహీరోయిన్లుగా నటించిన చిత్రం విప్రనారాయణ. ఈ చిత్రం విడుదల అయినప్పుడు .. చిత్రంలోని పాటలన్నీ మంచి హిట్ అవ్వడమే కాకుండా ఆ పాటలకు సంగీతం అందించిన సంగీత దర్శకుడు ఎస్.రాజేశ్వరరావు కు మంచి గుర్తింపు లభించింది. ఇక ఆ పాటలకు ఆకర్షితులైన వారిలో కీరవాణి నాన్న శివశక్తి దత్తా కూడా ఒకరు. ఆయనకు విప్రనారాయణ సినిమా లో ఉన్న అన్ని పాటలలో " ఎందుకోయి తోటమాలి " అనే పాట విపరీతంగా నచ్చిందట.
ఆ పాటలో దాగి ఉన్న ఆంతర్యం ఏమిటో తెలుసుకోవాలనే ఉద్దేశంతో ఆయన ఎస్.రాజేశ్వరరావు ను కలిశారు. తమ అభినందనలను తెలియజేసి ఆ పాట గురించి అడిగారు. అప్పుడు ఎస్.రాజేశ్వరరావు కీరవాణి రాగంలో ఆ పాటలకు బాణీలు సమకూర్చినట్లు తెలిపాడు. దాంతో ఆ సంగీతాభిమాని తనకు అబ్బాయి పుట్టినా.. అమ్మాయి పుట్టిన కీరవాణి అనే పేరు పెట్టాలని నిశ్చయించుకున్నాడు. అలా కొడుకు పుట్టగానే కీరవాణి అని పేరు పెట్టాడు. ఇక ప్రస్తుతం ఆ అబ్బాయి పెరిగి పెద్దయి సంగీత దర్శకుడిగా మంచి గుర్తింపు తెచ్చుకున్నారు. ఇక ఎం.ఎం. కీరవాణి అంటే మరకతమని కీరవాణి అని అర్థం
