అయితే ఒకప్పుడు ఢీ కార్యక్రమంలో కేవలం డాన్స్ మాత్రమే కనిపించేది. కానీ ఇప్పుడు మాత్రం డాన్స్ తో పాటు అంతకుమించి అనే రేంజ్ లోనే కామెడీ ఎంటర్టైన్మెంట్ కూడా పొందుతున్నారు బుల్లితెర ప్రేక్షకులు. దీంతో ఢీ షో వస్తుంది అంటే చాలు టీవీలకు అతుక్కుపోయి ఈ కార్యక్రమం వీక్షిస్తున్నారు అనీ చెప్పడంలో అతిశయోక్తి లేదు. కాగా ప్రస్తుతం ప్రసారం అవుతున్న ఢీ 13వ సీజన్ చివరి అంకానికి చేరుకుంది. ఇక ఈ వారం గ్రాండ్ ఫినాలే ప్రసారం కాబోతుంది. అయితే గ్రాండ్ ఫినాలే కి ఒక స్పెషల్ గెస్ట్ ని పిలవడం జరుగుతుంది అనే విషయం తెలిసిందే.
ఇక ఈ సారి గ్రాండ్ ఫినాలే కి స్పెషల్ గెస్ట్ గా అల్లు అర్జున్ ను పిలిచారు. అయితే దాదాపు పదేళ్ల కిందట అల్లు అర్జున్ ఢీ షో కి స్పెషల్ గెస్ట్ గా వచ్చారు. ఇప్పుడు మరోసారి ఢీ స్టేజి మీదికి కనిపించబోతున్నారు ఐకానిక్ స్టార్ అల్లు అర్జున్. అయితే ఇక అల్లుఅర్జున్ రాబోతున్నారు అంటూ అటు నిర్వాహకులు వరుస ప్రోమోలు విడుదల చేస్తున్నారు. ఇప్పటికే ఈ కార్యక్రమానికి సంబంధించి రెండు ప్రోమోలు విడుదల కాగా ఇక ఇప్పుడు మరో ప్రోమో కూడా విడుదలైంది. ఇక ఈ ప్రోమోలో భాగంగా అటు గ్రాండ్ ఫినాలే లో కంటెస్ట్ అదిరిపోయే డాన్స్ పెర్ఫార్మెన్స్ చేశారు. ఇక ఆ తర్వాత ఐకానిక్ స్టార్ అల్లు అర్జున్ స్టేజి మీదికి ఎంట్రీ ఇచ్చారు. ఇలా వరుస ప్రోమో లతో ఇక ఈ గ్రాండ్ ఫినాలే ఎపిసోడ్ పై ఒక్కసారిగా అంచనాలను పెంచేస్తున్నారు నిర్వాహకులు.
