సౌత్ ఇండియాలోని నెం.1 దుస్తుల బ్రాండ్ గా పేరుగాంచిన ఒట్టో నాణ్యమైన ఉత్పత్తి 'మినిస్టర్ వైట్' కు న్యాచురల్ స్టార్ నాని ని బ్రాండ్ అంబాసిడర్ గా నియమించుకున్నారు. ఇక ఈ విషయాన్ని సోషల్ మీడియా వేదికగా అధికారికంగా వెల్లడించిన నాని.. ఈ బ్రాండ్ కి సంబంధించిన వాణిజ్య ప్రకటనను కూడా ఆవిష్కరించారు.ఇక 'నేచురాలిటీకి ఐడెంటిటీ మన నాని.. అలాగే ఇక నుంచి ట్రెడిషనల్ ఐడెంటిటీకి మినిస్టర్ వైట్' అంటూ ప్రచారం కూడా మొదలుపెట్టారు. ఫేమస్ యాడ్ డైరెక్టర్లు శంకర్ - గుణ ఈ వాణిజ్య ప్రకటనకు డైరెక్షన్ వహించారు. ఇక ఈ యాడ్ లో నాని రకరకాల సంప్రదాయ దుస్తుల్లో సరికొత్తగా కనిపిస్తున్నారు. పొడవాటి జుట్టుతో గుబురు గడ్డం ఇంకా అలాగే మీసాలతో 'దసరా' గెటప్ లో కనిపించి నాని అభిమానులను ఎంతగానో ఆకట్టుకుంటున్నాడు.ఇక అంతే కాదు చివర్లో 'పంచెను మడతెత్తి మాస్ గా నిలబడితే.. ఆ లుక్.. అందులో ఓ కిక్..' అంటూ తనదైన స్టైల్ లో డైలాగ్ చెప్పి అలరించాడు నాని. 'మినిస్టర్ వైట్' అనేది ఒట్టో నుండి చొక్కాలు ఇంకా దోతీస్ బ్రాండ్ పేరు.



ఇప్పుడు ఇందులో హీరో న్యాచురల్ స్టార్ నాని భాగం కావడంతో.. ఇది బ్రాండ్ ఇమేజ్ ను బాగా పెంచుతుందని వారు భావిస్తున్నారు.ఇక నాని సినిమాల విషయానికొస్తే.. నేచురల్ స్టార్ నాని ప్రస్తుతం వివేక్ ఆత్రేయ డైరెక్షన్లో 'అంటే సుందరానికీ' అనే సినిమా చేస్తున్నారు. మైత్రీ మూవీ మేకర్స్ బ్యానర్ లో రూపొందిన ఈ సినిమాని జూన్ 10 వ తేదీన విడుదల చేయనున్నట్లు ప్రకటించారు.ఇదే క్రమంలో నాని 'దసరా' అనే యాక్షన్ థ్రిల్లర్ షూటింగ్ లో  కూడా పాల్గొంటున్నాడు. శ్రీకాంత్ ఓదెల డైరెక్షన్ లో తెరకెక్కుతున్న ఈ సినిమాని చెరుకూరి సుధాకర్ నిర్మిస్తున్నారు. ఇది న్యాచురల్ స్టార్ నాని కి ఫస్ట్ పాన్ ఇండియా మూవీ. ఈ సినిమాని తెలుగుతో పాటుగా హిందీ తమిళ కన్నడ మలయాళ భాషల్లో కూడా రిలీజ్ చేయడానికి ప్లాన్ చేస్తున్నారు.ఖచ్చితంగా ఈ సినిమా నాని కెరీర్లో గుర్తుండిపోయే సినిమా అవుతుందని ఫ్యాన్స్ భావిస్తున్నారు. మరి చూడాలి ఎలాంటి హిట్ అందుకుంటుందో అనేది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Purushottham Vinay

05/04/2022 09:00 PM