ఇక ర్యాన్ గోస్లింగ్ కథానాయకుడిగా రూసో బ్రదర్స్ ఆంటోనీ, జో తెరకెక్కించిన సినిమా 'ది గ్రే మ్యాన్'.'కెప్టెన్ అమెరికా' ఫేమ్ క్రిస్ ఇవాన్స్ ఈ సినిమాలో విలన్ రోల్ చేశారు. ఇంకా అనా డి ఆర్మాస్ కీలక పాత్ర పోషించారు.ఇక 'ది గ్రే మ్యాన్' మూవీ కొన్ని రోజుల క్రితం నెట్‌ఫ్లిక్స్‌ ఓటీటీలో విడుదల అయ్యింది. యాక్షన్ ప్రియులను ఇది బాగా ఆకట్టుకుంది. సుమారు 92 దేశాల్లో ఈ సినిమా డిజిటల్ రిలీజ్ కాగా... చాలా అద్భుతమైన స్పందన లభించిందని చిత్ర బృందం పేర్కొంది. ఇప్పుడీ సినిమా అభిమానులకు ఒక గుడ్ న్యూస్ ని అందించింది.ఇక 'ది గ్రే మ్యాన్'కు సీక్వెల్ తీస్తున్నట్లు లేటెస్టుగా అనౌన్స్ చేశారు. ఈ సందర్భంగా రూసో బ్రదర్స్ మాట్లాడుతూ ''ది గ్రే మ్యాన్'కి ప్రేక్షకుల నుంచి చాలా అద్భుత స్పందన లభించింది. ప్రపంచవ్యాప్తంగా ఉన్న అభిమానుల అంచనాలను అందుకున్నందుకు మాకు చాలా సంతోషంగా ఉంది. ఆసక్తికరమైన పాత్రలు ఉన్న ఈ చిత్రాన్ని ఫ్రాంచైజీలా ఇంకా కొత్త గూఢచారి ప్రపంచంలా ప్రేక్షకుల ముందుకు తీసుకు రావాలన్న ఆలోచన మాకు ఎప్పటి నుంచో ఉంది. ఇప్పుడు ఈ చిత్రానికి సీక్వెల్‌తో పాటు మేము త్వరలో ప్రకటించబోయే మరో చిత్రాన్ని కూడా నెట్‌ఫ్లిక్స్‌లో విడుదల చేయనున్నందుకు చాలా సంతోషంగా ఉన్నాం'' అని చెప్పారు.


ఈ సినిమాలో గ్లోబల్ యాక్టర్ ధనుష్ కూడా ఓ పాత్రలో కనిపించారు.అయితే అది కేవలం కొన్ని నిమిషాలు మాత్రమే. ధనుష్ తో రెండు సీన్స్ మాత్రమే తీశారు. ఆ రెండు కూడా మంచి యాక్షన్ ఫైట్ సీన్స్ కావడం విశేషం. ఆ సీన్స్ లో ధనుష్ యాక్టింగ్ కి ఇంకా ఆయన ఫైట్స్ కి ఆడియన్స్ ఫుల్ ఫిదా అయిపోయారు. ఆ రెండు సీన్స్ ఈ సినిమాకి హైలెట్ అని చెప్పాలి. చాలా అద్భుతంగా వున్నాయి. అయితే ఈ సినిమా సీక్వెల్ లో ధనుష్ యాక్ట్ చేస్తాడా అని ఫ్యాన్స్ భావిస్తున్నారు.అయితే ఈ విషయంపై ధనుష్ స్పందించాడు. ఈ సినిమా సీక్వెల్ కి రుస్సో బ్రదర్స్ నుంచి తనకు పిలుపు రాలేదని క్లారిటీ ఇచ్చాడు.సో ధనుష్ ఈ సినిమా సీక్వెల్ లో నటించట్లేదని అర్ధమవుతుంది.ఇక ఇదిలా ఉండగా ధనుష్ బర్త్ డే సందర్బంగా ఆయన తెలుగు తమిళ్ లో చేస్తున్న సార్ సినిమా టీజర్ ఈరోజు సాయంత్రం 6 గంటలకు విడుదల కాబోతుంది.

మరింత సమాచారం తెలుసుకోండి:

Purushottham Vinay

28/07/2022 03:42 PM