മമ്മൂട്ടിയ്ക്കൊപ്പമുള്ള അഞ്ചാമത്തെ സിനിമയുമായി നടി സ്നേഹ; 'ക്രിസ്റ്റഫറി'ലെ പുതിയ ക്യാരക്ടർ പോസ്റ്റർ പുറത്ത്! കഴിഞ്ഞ ദിവസം സ്നേഹ അവതരിപ്പിക്കുന്ന കഥാപാത്രത്തിന്റെ ക്യാരക്ടർ പോസ്റ്റർ അണിയറപ്രവർത്തകർ പുറത്തുവിട്ടിരുന്നു. ബീന മറിയം ചാക്കോ എന്ന കഥാപാത്രമായാണ് ചിത്രത്തിൽ സ്നേഹയെത്തുന്നത്. കൊടുങ്കാറ്റിന് മുൻപുള്ള ശാന്തതയെന്നാണ് സ്നേഹ പോസ്റ്റർ പങ്കുവച്ച് കുറിച്ചിരിക്കുന്നത്. ബയോഗ്രഫി ഓഫ് എ വിജിലന്റ് കോപ്പ് എന്ന ടാഗ് ലൈനോടെയാണ് ചിത്രം പ്രേക്ഷകരിലേക്കെത്തുക. മമ്മൂട്ടിയെ നായകനാക്കി ബി ഉണ്ണി കൃഷ്ണനൊരുക്കുന്ന പുതിയ ചിത്രമാണ് ക്രിസ്റ്റഫർ. തെന്നിന്ത്യൻ താരം സ്നേഹയാണ് ചിത്രത്തിൽ നായികയായെത്തുന്നത്.നാളുകൾക്ക് ശേഷം സ്നേഹ മലയാളത്തിലേക്ക് തിരിച്ചെത്തുന്ന ചിത്രമാണ് ക്രിസ്റ്റഫർ. തുറുപ്പുഗുലാൻ, ഗ്രേറ്റ് ഫാദർ, പ്രമാണി, ശിക്കാർ, വന്ദേമാതരം തുടങ്ങിയ ചിത്രങ്ങളിൽ സ്നേഹ ആയിരുന്നു നായിക.
തുറുപ്പുഗുലാൻ, ഗ്രേറ്റ് ഫാദർ, പ്രമാണി, വന്ദേമാതരം എന്നീ ചിത്രങ്ങൾക്ക് ശേഷം മമ്മൂട്ടിയും സ്നേഹയും ഒന്നിച്ചെത്തുന്ന ചിത്രം കൂടിയാണ് ക്രിസ്റ്റഫർ. ആറാട്ടിന് ശേഷം ഉണ്ണികൃഷ്ണനും ഉദയ്കൃഷ്ണയും ഒന്നിച്ചെത്തുന്ന ചിത്രം കൂടിയാണ് ക്രിസ്റ്റഫർ. ത്രില്ലറായ ഒരുങ്ങുന്ന ചിത്രത്തിന്റെ തിരക്കഥയൊരുക്കുന്നത് ഉദയകൃഷ്ണയാണ്. അമല പോൾ, ഐശ്വര്യ ലക്ഷ്മി എന്നിവരും ചിത്രത്തിൽ പ്രധാന വേഷത്തിലെത്തുന്നുണ്ട്. ദിലീഷ് പോത്തൻ, സിദ്ദിഖ്, ജിനു എബ്രഹാം, വിനീത കോശി, വാസന്തി തുടങ്ങിയവരും ചിത്രത്തിൽ പ്രധാന വേഷത്തിലെത്തുന്നുണ്ട്. പൊലീസ് ഉദ്യോഗസ്ഥനായാണ് ചിത്രത്തിൽ മമ്മൂട്ടിയെത്തുന്നത്. ജസ്റ്റിൻ വർഗീസ് ആണ് സംഗീതമൊരുക്കുന്നത്. സ്നേഹയ്ക്ക് ആശംസകളുമായി ഭർത്താവ് പ്രസന്നയും രംഗത്തെത്തി. നന്നായിട്ടുണ്ട് കണ്ണമ്മ, എല്ലാ ആശംസകളും എന്നാണ് പ്രസന്ന കുറിച്ചിരിക്കുന്നത്.
മമ്മൂട്ടിയെ ടൈറ്റിൽ കഥാപാത്രമാക്കി ബി.ഉണ്ണികൃഷ്ണൻ സംവിധാനം ചെയ്യുന്ന 'ക്രിസ്റ്റഫർ' സിനിമയുടെ പുതിയ പോസ്റ്റർ പുറത്തെത്തി. '' For Him, Justice is an Obsession..." എന്ന് പറഞ്ഞിരിക്കുന്ന പോസ്റ്ററിൽ ഒരു പോലീസ് ഓഫീസറുടെ വേഷത്തിലുള്ള മമ്മൂട്ടിയെ ആണ് കാണുന്നത്. ബയോഗ്രഫി ഓഫ് എ വിജിലൻ്റ് കോപ്പ് എന്നാണ് ഈ ത്രില്ലർ ചിത്രത്തിൻറെ ടാഗ് ലൈൻ. ആർ.ഡി ഇല്യൂമിനേഷൻസ് ആണ് ചിത്രത്തിൻറെ നിർമ്മാണം. ഒട്ടേറെ ഹിറ്റുകളുടെ രചന നിർവ്വഹിച്ചിട്ടുള്ള ഉദയകൃഷ്ണയാണ് ചിത്രത്തിന് തിരക്കഥ ഒരുക്കിയിരിക്കുന്നത്.
മൂന്ന് നായികമാരാണ് ചിത്രത്തിൽ. സ്നേഹ, അമല പോൾ, ഐശ്വര്യ ലക്ഷ്മി എന്നിവർ. തെന്നിന്ത്യൻ താരം വിനയ് റായ്‍ ഒരു സുപ്രധാന വേഷത്തിൽ എത്തുന്നു എന്നതും പ്രത്യേകതയാണ്. ഷൈൻ ടോം ചാക്കോ, ദിലീഷ് പോത്തൻ, സിദ്ദിഖ്, ജിനു എബ്രഹാം, വിനീത കോശി, വാസന്തി തുടങ്ങിയവരോടൊപ്പം മുപ്പത്തിയഞ്ചോളം പുതുമുഖങ്ങളും ചിത്രത്തിലെ വിവിധ കഥാപാത്രങ്ങളെ അവതരിപ്പിക്കുന്നു. എറണാകുളം, പൂയംകുട്ടി, വണ്ടിപ്പെരിയാർ എന്നിവിടങ്ങളിലായാണ് ചിത്രീകരണം പുരോഗമിക്കുന്നത്.
Find out more:
click and follow Indiaherald WhatsApp channel