വിഖ്യാത നോവൽ 'മർഡർ ഈസ് ഈസി' സിനിമയാകുന്നു! ലോകത്തിലെ ഏറ്റവും കൂടുതൽ വിറ്റുപോകുന്ന നോവലുകളിലേറെയും അഗതാ ക്രിസ്റ്റി എന്ന അഗതാ മേരി ക്ലാരിസ മില്ലർ ക്രിസ്റ്റിയുടേതാണ്. എത്ര ഊഹിക്കൻ ശ്രമിച്ചാലും പിടി തരാത്ത നിഗൂഢതയേറിയ വഴികളിലൂടെ അപസർപ്പക കഥകളിലേക്ക് വായനക്കാരെ കൊണ്ടുപോകുന്ന എഴുത്തുകാരിയാണ് അപസർപ്പക കഥകളുടെ റാണി എന്നറിയപ്പെടുന്ന അഗത ക്രിസ്റ്റി.മലയാളത്തിൽ തന്നെ അഗത ക്രിസ്റ്റിയുടെ നോവലുകളുടെ പ്രേചോദനം ഉൾകൊണ്ടാണ് ഗീതാഞ്ജലി, നാദിയ കൊല്ലപ്പെട്ട രാത്രി, ഗ്രാൻഡ് മാസ്റ്റർ, ട്വൽത്ത് മാൻ തുടങ്ങിയ ത്രില്ലർ സിനിമകൾ ഒരുക്കിയിരിക്കുന്നത്. ഇന്നും വിവിധ ഭാഷകളിൽ നിരവധി സിനിമ, സീരിസ്, ഡ്രാമകൾ അഗത ക്രിസ്റ്റിയുടെ കഥകളെ ആസ്പദമാക്കി ഒരുക്കുന്നുണ്ട്.എല്ലാ കാലഘട്ടത്തിലും വാഴ്ത്തപ്പെടുന്ന കഥകളുടെ ഉറവിടമാണ് അഗത ക്രിസ്റ്റി എന്ന എഴുത്തുകാരി.
നിരവധി സിനിമകൾക്കും സീരിസുകൾക്കും ഇന്നും അവരുടെ രചനകൾ പ്രേചോദനം ആകുന്നുണ്ട്. ത്രില്ലർ വിഭാഗത്തിൽ വരുന്ന കഥകളിൽ അപ്രതീക്ഷിത സംഭവങ്ങളും ട്വിസ്റ്റ്കളും നൽകാൻ അഗതയേക്കാൾ മികച്ച എഴുത്താകാരില്ല. ദൃശ്യാവിഷ്കാരത്തിനുള്ള സാധ്യതകളാണ് അഗത ക്രിസ്റ്റിയുടെ സൃഷ്ടികളുടെ മറ്റൊരു പ്രത്യേകത. മർഡർ ഈസ് ഈസി ചലച്ചിത്രമാകുമ്പോൾ ത്രില്ലർ സിനിമകളിൽ മറ്റൊരു ശ്രദ്ധേയ സൃഷ്ടിയായി അതു മാറുമെന്നാണ് പ്രതീഷിക്കുന്നത്. 1890 സെപ്തംബർ 15 ന് ജനിച്ച അഗത ക്രിസ്റ്റി എഴുപതോളം നോവലുകൾ എഴുതിയിട്ടുണ്ട്. നൂറിലധികം കഥകളും പ്രസിദ്ധീകരിച്ചിട്ടുണ്ട്. 98 ഭാഷകളിലേക്ക് ഇവരുടെ പുസ്തകങ്ങൾ ഭാഷാന്തരം ചെയ്യപ്പെട്ടിട്ടുണ്ട്. ഏറെ ആരാധകരുള്ള ഹെർക്യൂൾ പൊയേറോട്ട്, വനിത അന്വേഷക മിസ് മാർപ്പിൾ എന്നീ കഥാപാത്രങ്ങളെ സൃഷ്ടിച്ചതും അഗത ക്രിസ്റ്റിയാണ്. 1976 ലായിരുന്നു ആ വിഖ്യാത എഴുത്തുകാരിയുടെ മരണം.
ബ്രിട്ടീഷ് ഇന്ത്യൻ തിരക്കഥാകൃത്തും സംവിധായികയുമായ മീനു ഗൗറാണ് മർഡർ ഈസ് ഈസിയെ ആസ്പദമാക്കി സിനിമ ഒരുക്കുന്നത്. ബിബിസി, ഐ പ്ലെയർ, ബ്രിറ്റ്ബോക്സ് ഇൻ്റർനാഷണൽ എന്നിവയ്ക്കുവേണ്ടി രണ്ട് ഭാഗങ്ങളായായിരിക്കും ചിത്രം ഒരുക്കുന്നത്. സിയാൻ എജിൻമി ലെ ബെറേയാണ് തിരക്കഥ ഒരുക്കുന്നത്. കരെൻ കെല്ലിയാണ് ചിത്രം നിർമിക്കുന്നത്. വിഖ്യാതമായ നോവൽ ഇനി ചലച്ചിത്ര രൂപത്തിൽ പ്രേക്ഷകരുടെ മുന്നിലേക്ക് എത്തുകയാണ്. അവളുടെ ഗ്രാമത്തിൽ നടന്ന തുടർ മരണങ്ങളെക്കുറിച്ച് അവൾ ലൂക്കിനോട് പറയുന്നു.
അവയെല്ലാം ആകസ്മികമാണെന്ന് നാട്ടുകാർ കരുതുന്നുണ്ടെങ്കിലും മിസ് പിങ്കെർട്ടണിന് അതിനു പിന്നാലെ സത്യം അറിയാമായിരുന്നു. പിന്നീട് ലൂക്ക് അറിയുന്നത് മിസ് പിങ്കെർട്ടും കൊല്ലപ്പെട്ടതായാണ്. കൂടുതൽ മരണങ്ങൾ സംഭവിക്കുന്നതിനു മുമ്പ് കൊലപാതകിയെ കണ്ടെത്താനായുള്ള ലൂക്കിൻ്റെ അന്വേഷണമായിരുന്നു മർഡർ ഈസ് ഈസി പറഞ്ഞത്.
Find out more:
click and follow Indiaherald WhatsApp channel