പൃഥ്വിരാജിന്റെ നക്ഷത്ര കണ്ണുള്ള രാജകുമാരി, സാൾട്ട് ആൻഡ് പെപ്പർ ലുക്കിൽ ഞെട്ടിച്ച് ഗായത്രി രഘുറാം! പൃഥ്വിരാജിന്റേതായി ആദ്യം റിലീസ് ചെയ്ത ചിത്രമെന്ന സവിശേഷത കൂടി ഇതിനുണ്ടായിരുന്നു. പ്രിത്വിയ്ക്ക് ഒപ്പം നായികയായി എത്തിയത് തമിഴ് ചിത്രങ്ങളിലെ സൂപ്പർ നായികമാരിൽ ഒരാൾ ആയ ഗായത്രി രഘുറാം ആയിരുന്നു. തമിഴ് സിനിമകളിൽ ആയിരുന്നു മലയാളത്തേക്കാൾ ഗായത്രി രഘുറാം തിളങ്ങിയത്. എന്നാൽ താരം വിവാഹത്തോടെ അഭിനയം നിർത്തുകയായിരുന്നു. വിവാഹ മോചനത്തിന് ശേഷം സിനിമയിലും തമിഴ് രാഷ്ട്രീയത്തിലും ഒരുപോലെ ഗായത്രി പിന്നീട് സജീവമാവുകയായിരുന്നു. അടുത്തിടെ തലമുണ്ഡനം ചെയ്തുള്ള ഗായത്രിയുടെ ചിത്രങ്ങൾ സമൂഹമാധ്യമങ്ങളിൽ വൻ ചർച്ചയായിരുന്നു. ഇപ്പോഴിതാ ഗായത്രിയുടെ സാൾട്ട് ആൻഡ് പെപ്പർ ലുക്കിലുള്ള പുതിയ ചിത്രങ്ങളും വീഡിയോയും ആണ് വൈറലാവുന്നത്.
തിയേറ്ററുകളിൽ അധികം ശ്രദ്ധിക്കപ്പെട്ടില്ലെങ്കിലും ടെലിവിഷനിലൂടെ കാഴ്ചക്കാരെ നേടിയ രാജസേനൻ ചിത്രമായിരുന്നു നക്ഷത്ര കണ്ണുള്ള രാജകുമാരൻ അവനുണ്ടൊരു രാജകുമാരി. നമ്മൾ ആത്മവിശ്വാസമുള്ളവരായിരിക്കണം എന്നതാണ് പ്രധാനം എന്ന് ഗായത്രി പറയുന്നു. ഇപ്പോൾ തന്നെ കാണുന്നവർ തന്റെ മൂത്ത സഹോദരിയെ ചൂണ്ടി അത് അനുജത്തിയാണോ എന്ന് ചോദിക്കാറുണ്ട്. പക്ഷെ ഒരിക്കലും സൗന്ദര്യമെന്നാൽ ചമയങ്ങളല്ലെന്ന് പറയുകയാണ് താരം. ഇത്തരം ചേച്ചി വിളികളിൽ പതറില്ല എന്നും താരം പറയുന്നു.പ്രശസ്ത കൊറിയോഗ്രാഫർമാരായ രഘുറാമിന്റെയും ഗിരിജ രഘുറാമിന്റെയും മകളാണ് ഗായത്രി രഘുറാം. തമിഴ് സംവിധായകൻ കൃഷ്ണസ്വാമി സുബ്രഹ്‌മണ്യൻ ഗായത്രിയുടെ മുതുമുത്തച്ഛൻ ആണ്. പ്രശസ്ത നർത്തകി ആയ പത്മ സുബ്രഹ്‌മണ്യം, തമിഴ് മലയാളം സിനിമകളിലെ കൊറിയോഗ്രാഫർമാരായ കലാ മാസ്റ്റർ, ബ്രിന്ദ മാസ്റ്റർ എന്നിവർ ഗായത്രിയുടെ അടുത്ത ബന്ധുക്കൾ ആണ്.
2001 ൽ റെപലേലോ രാധ എന്ന തെലുഗു ചിത്രത്തിലൂടെയാണ് ഗായത്രി അഭിനയത്തിൽ അരങ്ങേറ്റം നടത്തിയത്. ഗായത്രി അഭിനയിച്ച ഒരേയൊരു മലയാള ചിത്രമാണ് ‘നക്ഷത്രക്കണ്ണുള്ള രാജകുമാരൻ അവനുണ്ടൊരു രാജകുമാരി’. പിന്നീട് നിരവധി തമിഴ് ചിത്രങ്ങളിൽ അഭിനയിച്ചെങ്കിലും അത്രകണ്ട് താരം ശ്രദ്ധിക്കപ്പെട്ടില്ല. 2006ലായിരുന്നു അമേരിക്കയിൽ സോഫ്റ്റ് വെയർ എൻജിനീയറായ ദീപക് ചന്ദ്രശേഖരനുമായുള്ള ഗായത്രിയുടെ വിവാഹം. ആ ദാമ്പത്യം പരാജയപ്പെട്ടതിനെ തുടർന്ന് 2008ൽ ഗായത്രി വിവാഹമോചന ഹർജി ഫയൽ ചെയ്തു. പിന്നീട് 2010ൽ ഇവർ നിയമപരമായി വിവാഹമോചിതരായി.2008 ൽ ജയം കൊണ്ടേൻ, പൊയ് സൊല്ല പോരാം തുടങ്ങിയ തമിഴ് സിനിമകളിലൂടെ നൃത്ത സംവിധായികയായി ഗായത്രി അറിയപ്പെട്ടു തുടങ്ങി. മദ്രാസപ്പട്ടണം, ദൈവതിരുമകൾ, ഒസ്തി, അഞ്ജാൻ തുടങ്ങിയ ബിഗ് ബജറ്റ് ചിത്രങ്ങളുടെ ഭാഗമായും ഗായത്രി പേരെടുത്തിരുന്നു.
മലയാള സിനിമകളിലും ഗായത്രി നൃത്ത സംവിധായികയായി പ്രവർത്തിച്ചിട്ടുണ്ട്.ഡാഡി കൂൾ, സാൾട് ആൻഡ് പെപ്പർ, അൻവർ, 100 ഡെയ്‌സ് ഓഫ് ലവ്. ഇയ്യോബിന്റെ പുസ്തകം, സംസാരം ആരോഗ്യത്തിന് ഹാനികരം, അൻവർ എന്നീ ച്ത്രങ്ങളുടെ നൃത്ത സംവിധായിക ഗായത്രി ആയിരുന്നു എന്നത് അധികമാർക്കും അറിയില്ല. ഇടയ്ക്കിടെ വിവാദമായ രാഷ്ട്രീയ പ്രസ്താവനകളുടെ പേരിൽ വാർത്തകളിലടം നേടുകയും ചെയ്തിരുന്നു.ഹെയർ സ്റ്റൈൽ ചെയ്യണമെന്നെല്ലാം എല്ലാവരും ആഗ്രഹിക്കുന്നുണ്ട്.എന്തുകൊണ്ട് ഇതും അഴകാണ് എന്ന് മനസിലാക്കുന്നില്ല. അത്രയും ചിലവില്ലാതെ സുന്ദരിയാകാം എന്ന് ഇതുപോലെ ചിന്തിച്ചു നോക്കൂ എന്നായിരുന്നു ഗായത്രി ഗലാട്ട ഡോട്ട് കോമിന് നൽകിയ അഭിമുഖത്തിൽ തന്റെ പുതിയ സാൾട്ട് ആൻഡ് പെപ്പർ ലുക്കിനെ കുറിച്ച് പറഞ്ഞത്.
Find out more:
click and follow Indiaherald WhatsApp channel